ఆంధ్రభారతి - తాళ్లపాక అన్నమాచార్య కీర్తనలు - నీ వొక్కఁడవే నాకుఁ జాలు నీరజాక్ష నారాయణ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 184-5
సంపుటము: 2-425

తాళ్లపాక అన్నమాచార్య

రాగము: లలిత

నీ వొక్కఁడవే నాకుఁ జాలు నీరజాక్ష నారాయణ నీవే నాకు గతియని తెలిసితి నెక్కొని యితరము వృథా వృథా	॥పల్లవి॥
మీ నామోచ్చారణమే మెరసిన దుఃఖనివారణము మీ నామోచ్చారణమే మెలఁగు శుభకరము నానావేదశాస్త్రములు నవపురాణేతిహాసములు మీ నామములోనే వున్నవి మిగిలిన విన్నియు వృథా వృథా	॥నీవొ॥
నీ పాదమూలము నింగియు భువియు రసాతలము నీ పాదమూలము నిఖిలజీవపరిణామములు దీపించిన చరాచరంబులు దివ్యులు మునులును సర్వమును నీ పాదమూలమే మరి నెరి నితరంబులు వృథా వృథా	॥నీవొ॥
దేవ మీతిరుమేను దిక్కును బ్రహ్మాండాధారము దేవ మీతిరుమే నుత్పత్తిస్థితిలయములకును ఆకరము శ్రీవేంకటపతి నాభావము చిత్తము నీకే సమర్పణ దేవ మీశరణము చొచ్చితి దిక్కులన్నియును వృథా వృథా	॥నీవొ॥