ఆంధ్రభారతి - తాళ్లపాక అన్నమాచార్య కీర్తనలు - దేవునికి దేవికిని తెప్పల కోనేటమ్మ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 185-1
సంపుటము: 2-426

తాళ్లపాక అన్నమాచార్య

రాగము: గుండక్రియ

దేవునికి దేవికిని తెప్పల కోనేటమ్మ వేవేలు మొక్కులు లోకపావని నీకమ్మా	॥పల్లవి॥
ధర్మార్థకామ మోక్షతతులు నీ సోబనాలు అర్మిలి నాలుగు వేదాలదె నీ దరులు నిర్మలపు నీ జలము నిండు సప్తసాగరాలు కూర్మము నీలోఁతు వో కోనేరమ్మా	॥దేవు॥
తగిన గంగాది తీర్థములు నీ కడళ్ళు జగతి దేవతలు నీ జలజంతులు గగనపుఁ బుణ్యలోకాలు నీదరి మేడలు మొగి నీ చుట్టు మాఁకులు మునులోయమ్మా	॥దేవు॥
వైకుంఠనగరము వాకిలే నీ యాకారము చేకొను పుణ్యములే నీ జీవభావము యేకడను శ్రీవేంకటేశుఁడే నీ వునికి దీకొని నీ తీర్థమాడితిమి కావవమ్మా	॥దేవు॥