ఆంధ్రభారతి - తాళ్లపాక అన్నమాచార్య కీర్తనలు - నన్నెరఁగలేనయ్యో నాయంతర్యామై - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 185-2
సంపుటము: 2-427

తాళ్లపాక అన్నమాచార్య

రాగము: కాంబోది

నన్నెరఁగలేనయ్యో నాయంతర్యామై వున్నతపు హరి నాలో నున్నాఁడట	॥పల్లవి॥
యిల నేడుజానల మేనిందులోనివాఁడ నింతే తలఁపు బ్రహ్మాండాలు దాఁటిపొయ్యీని కలువరేకులంతేసి కన్నులవాఁడ వింతే సొలసి చూపాకాశమే చూరగొనీని	॥నన్నె॥
వెడ వెంట్రుక దూరేటి వీనులవాఁడ నింతే కడలేని శబ్దము లొక్కట వినేను నడుమ నే నల్లెఁడంత నాలికెవాఁడ నింతె వుడివోని సుద్దు లెల్లా నుగ్గడించేను	॥నన్నె॥
లచ్చనఁ బదారంగుళాల ప్రాణ మింతే కుచ్చి కాలపుదినాలు గొలచీని కొచ్చిన శ్రీవేంకటేశు కొలువుడుబంట నింతే పచ్చి యింద్రియాల కెల్లాఁ బంపు సేసేను	॥నన్నె॥