ఆంధ్రభారతి - తాళ్లపాక అన్నమాచార్య కీర్తనలు - నిక్కమైన నాలోని నెలవు గానలేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 185-3
సంపుటము: 2-428

తాళ్లపాక అన్నమాచార్య

రాగము: సామంతం

నిక్కమైన నాలోని నెలవు గానలేను దిక్కు నీవే హరి నాతెలి వేఁటితెలివి	॥పల్లవి॥
నీటిలో మునిఁగి వచ్చి నిర్మలుఁడ ననుకొందు గాఁటమై యావేగి లేచి కానందును తేటల ఆ దేహమే దిష్టము ఆనేనే పాటిలేని భావపు నాబదు కేఁటిబదుకు	॥నిక్క॥
యెన్న నొక బంటు నేలి యేలికే నే ననుకొందు పన్ని నే నొకరిఁ గొల్చి బంట నందును మున్నిటి నామనసె మొదలి నాపుట్టుగే యిన్ని వికారాల నాయెరు కేఁటియెరుక	॥నిక్క॥
కాంచనము చేతనుంటే కలవాఁడ ననుకొందు పెంచి యొకవేళ నేఁ బేద నందును కంచుమాయఁ బొరలఁగాఁ గాచితి శ్రీవేంకటేశ కొంచిన యిన్నాళ్లు నాగుణ మేఁటిగుణము	॥నిక్క॥