ఆంధ్రభారతి - తాళ్లపాక అన్నమాచార్య కీర్తనలు - అరు దరుదు నీమహి మతిమానుషము చూడ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 185-4
సంపుటము: 2-429

తాళ్లపాక అన్నమాచార్య

రాగము: మాళవి

అరు దరుదు నీమహి మతిమానుషము చూడ పురుషోత్తమను దివ్యపుర జగన్నాథా	॥పల్లవి॥
పసులఁ గాచే దేడ బ్రహ్మ నుతియించు టేడ సిసువౌ టేడ నాలుగుచేత లేడ కొసరి వేలనే యేడ కొండగొడగెత్తు టేడ వసమా నిన్నుఁ బొగడ వరజగన్నాథా	॥అరు॥
జనవేష మేడ పారిజాతము దెచ్చిన దేడ తనివెన్న ముచ్చి మేడ దైవికమేడ పని బండిబోయిఁడేడ బాణుని నరకు టేడ వినఁ గత నీమహిమ విష్ణు జగన్నాథా	॥అరు॥
కమ్మి రోలఁ గట్టు టేడ గరుడవాహన మేడ దొమ్మి భద్రసుభద్రుల తోఁబుట్టు వేడ చిమ్ముల నిలగిరిని (?) శ్రీవేంకటాద్రిమీఁద- నుమ్మడి నిరవుకొంటివో జగన్నాథా	॥అరు॥