ఆంధ్రభారతి - తాళ్లపాక అన్నమాచార్య కీర్తనలు - కలియుగ మెటులైనాఁ గలదుగా నీ కరుణ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 185-5
సంపుటము: 2-430

తాళ్లపాక అన్నమాచార్య

రాగము: మాళవిగౌళ

కలియుగ మెటులైనాఁ గలదుగా నీ కరుణ జలజాక్ష హరి హరి సర్వేశ్వరా	॥పల్లవి॥
పాపమెంత గలిగినఁ బరిహరించేయందుకు నాపాలఁ గలదుగా నీనామము కోపమెంత గలిగిన కొచ్చి శాంతమిచ్చుటకు చేపట్టి కలవుగా నాచిత్తములో నీవు	॥కలి॥
ధర నింద్రియా లెంత తరముకాడిన నన్ను సరిఁ గావఁగద్దుగా నీ శరణాగతి గరిమఁ గర్మబంధాలు గట్టిన తాళ్ళు వూడించ నిరతిఁ గలదు గా నీ భక్తి నాకు	॥కలి॥
హితమైన యిహపరా లిష్టమైనవెల్లా నియ్య సతమై కలదుగా నీసంకీర్తన తతి శ్రీవేంకటేశ నాతపము ఫలియింపించ గతి గలదుగా నీకమలాదేవి	॥కలి॥