ఆంధ్రభారతి - తాళ్లపాక అన్నమాచార్య కీర్తనలు - అణురేణుపరిపూర్ణమైన రూపము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 186-1
సంపుటము: 2-432

తాళ్లపాక అన్నమాచార్య

రాగము: దేవగాంధారి

అణురేణుపరిపూర్ణమైన రూపము అణిమాది సిరి యంజనాద్రిమీఁది రూపము	॥పల్లవి॥
వేదాంతవేత్తలెల్లా వెదకేటి రూపము ఆదినంత్యములేని యారూపము పాదుగ యోగీంద్రులు భావించు రూపము యీదెస నిదివో కోనేటిదరి రూపము	॥అణు॥
పాలజలనిధిలోనఁ బవళించే రూపము కాలపు సూర్యచంద్రాగ్నిగల రూపము మేలిమి వైకుంఠాన మెరసిన రూపము కీలైనదిదే శేషగిరిమీఁది రూపము	॥అణు॥
ముంచిన బ్రహ్మాదులకు మూలమైన రూపము కొంచని మఱ్ఱాకుమీఁది కొన రూపము మంచి పరబ్రహ్మమై మమ్మునేలిన రూపము యెంచఁగ శ్రీవేంకటాద్రినిదే రూపము	॥అణు॥