ఆంధ్రభారతి - తాళ్లపాక అన్నమాచార్య కీర్తనలు - ఎట్టైనాఁ గావకపోదు యే నెంత సేసినాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 186-3
సంపుటము: 2-434

తాళ్లపాక అన్నమాచార్య

రాగము: బౌళి

ఎట్టైనాఁ గావకపోదు యే నెంత సేసినాను యిట్టే నీకు శరణంటి నిదియే తెరఁగు	॥పల్లవి॥
చేకొని నే మొక్కఁగాను చేతులు గోయఁగరాదు ఆకడఁ దప్పుకుఁ దగినాజ్ఞ మానరాదు కైకొని యపరాధాలే కావించితి నెన్నైనా యీకడ నీశరణంటి నిఁకనో తెరఁగు	॥ఎట్టై॥
చిక్కి దైన్యపడఁగాను చెలఁగి ఖండించరాదు చక్కఁగా నాద్రోహాలు సైరించరాదు అక్కడఁ జూచిన శరణాగతబిరుదు నీకు యిక్కడ నీశరణంటి నిఁకనో తెరఁగు	॥ఎట్టై॥
సేవసేయుచుండఁగాను జీతము మానుపరాదు యీవిధి నాన దోసితే నిందుకోరాదు దేవుఁడ నిన్నుఁ గొలిచి తెగి కర్మా లుడిగితి యీవల శ్రీవేంకటేశ ఇఁకనో తెరఁగు	॥ఎట్టై॥