ఆంధ్రభారతి - తాళ్లపాక అన్నమాచార్య కీర్తనలు - ధరలో "నెద్భావం తద్భవ"తనెఁ గాన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 186-4
సంపుటము: 2-435

తాళ్లపాక అన్నమాచార్య

రాగము: గుండక్రియ

ధరలో "నెద్భావం తద్భవ"తనెఁ గాన హరిమయమే జగమంతాను	॥పల్లవి॥
మహి నెదిటివారందు మలినము దలఁచిన తహతహ మనసే తా మలినము వహి నెదిటందు భావనము భావించిన బహువిధములఁ దానూ భావనమే	॥ధర॥
యెక్కువ నెదిటిపాపా లెంచి నిందించేటి- నిక్కపునాలుక తానే నిందితము వొక్కటై యెదిటిపుణ్యా లుగ్గడించి ఘనమంటే దక్కిన పుణ్యపు జిహ్వ తానూ ఘనమే	॥ధర॥
సారె శ్రీవేంకటపతి సగుణము దలఁచిన సారపు జీవుఁడు దాను సగుణమే నేరుపుల నాతని నిర్గుణము దలఁచిన తారతమ్యములులేని తానూ నిర్గుణమే	॥ధర॥