ఆంధ్రభారతి - తాళ్లపాక అన్నమాచార్య కీర్తనలు - ఎందాఁక నిద్ర నీకిదె తెల్లవారెఁ గదె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 186-5
సంపుటము: 2-436

తాళ్లపాక అన్నమాచార్య

రాగము: భూపాళం

ఎందాఁక నిద్ర నీకిదె తెల్లవారెఁ గదె యిందిరారమణ నీవిటు మేలుకొనవే	॥పల్లవి॥
కమలనాభుఁడ నీకు గంగాదినదులెల్ల- నమర మొకమజ్జనం బాయితము సేసె తమితోడఁ గనకాద్రి తానే సింహాసనము విమలమై యొప్పె నదే విచ్చేయవే	॥ఎందాఁ॥
హరి నీకు నజుఁడు పంచాంగంబు వినిపించ నిరతమగు వాకిటను నిలిచినాఁడు సురలు నీయవసరము చూచుకొని కొలువునకు సరవి నాయిత్తపడి సందడించేరు	॥ఎందాఁ॥
కామధేనువు వచ్చె కనుఁగొనుటకై నీకు శ్రీమహాదేవి నీచేలాగు కదివో యీమహిమ శ్రీవేంకటేశ నీకే చెల్లె కామించి యన్నియునుఁ గైకొంటివిపుడు	॥ఎందాఁ॥