ఆంధ్రభారతి - తాళ్లపాక అన్నమాచార్య కీర్తనలు - చాలునిదే నా నిరతి సకలసామ్రాజ్యము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 187-3
సంపుటము: 2-440

తాళ్లపాక అన్నమాచార్య

రాగము: శ్రీరాగం

చాలునిదే నా నిరతి సకలసామ్రాజ్యము నాలోని పని యెంతైనా నాకుఁ గలదు	॥పల్లవి॥
వడఁబడి పరులిండ్లవాకిలి గాచే నేను వడి నాలో హరియున్న వాకిలి గాచేను బడి నొకరిఁ గొలిచి బహురాజ్యమేలే నేను యెడ నామనోరాజ్యమింతా నేలేను	॥చాలు॥
చేరి యొరులకుఁ బనిసేసి యలసే నేను సారె నాయోగాభ్యాసాన నలసేను అరసి నే నడుగఁగ నన్యులిచ్చేయీవులు తారి పూర్వకర్మాదిదైవమే యిచ్చీని	॥చాలు॥
అందు సంతోషమే ఫల మిందు సంతోషమే ఫల- మందును మాయాకల్పిత మిందును మాయే అందు నిందు శ్రీవేంకటాధీశుఁడే కర్త అందైతేఁ బరతంత్రుఁడిందు నే స్వతంత్రుఁడ	॥చాలు॥