ఆంధ్రభారతి - తాళ్లపాక అన్నమాచార్య కీర్తనలు - నీసొమ్ము చెడకుండ నీవు చూచుకొనవయ్య - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 187-4
సంపుటము: 2-441

తాళ్లపాక అన్నమాచార్య

రాగము: సామంతం

నీసొమ్ము చెడకుండ నీవు చూచుకొనవయ్య దాసుఁడ నేనింతే దైవమవు నీవు	॥పల్లవి॥
లోకము లేలుదువట లోకము లోపలి నేను పైకొని నీవేలినట్టి బంటనే సుమ్మీ ఆకడ నావుఁ గొంటే నావువెంట దూడయును జోకలఁ గొన్నట్టివారి సొమ్మే కాదా	॥నీసొ॥
చేరి నన్ను నీవే పుట్టించితివట నేఁ జేసే- మేరతోఁ బుణ్యపాపాలు మీవే సుమ్మీ ఆరుగ విత్తినవాఁడు ఆరుగలోపలి కంది ఆరితేరి పండితేను ఆతనిదే కాదా	॥నీసొ॥
శ్రీవేంకటేశ నీవు జీవాంతరాత్మవట కావించి నాపాలఁ గలవే సుమ్మీ కైవసమై చందురుఁడు కలువలజాతికెల్ల భావింప సర్వవిధబంధువే కాఁడా	॥నీసొ॥