ఆంధ్రభారతి - తాళ్లపాక అన్నమాచార్య కీర్తనలు - వానికి ముదుల యిచ్చి వద్దని మానుపవే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 187-6
సంపుటము: 2-443

తాళ్లపాక అన్నమాచార్య

రాగము: దేవగాంధారి

వానికి ముదుల యిచ్చి వద్దని మానుపవే శ్రీనారాయణ వీనిచేత నే వేసరితి	॥పల్లవి॥
నీకల్పితములే యీనిఖిలేంద్రియములు యీకడ నీయింద్రియాల నెట్టు గెలువఁగవచ్చు నీకడ నిన్నే కొలిచి నీయప్పణ దెచ్చి వానిఁ బైకొని చోఁపుటగాక బలిమా రాచాజ్ఞతో	॥వాని॥
నీపంపునఁ గప్పిన నిజమైన మాయ యిది మాపాటివారెల్లా మహి నెట్టు దాఁటవచ్చు మీపాదాలే కొల్చి మీయనుజ్ఞ గొని దాని పైపైఁ దోయుటగాక బలిమా రాచాజ్ఞతో	॥వాని॥
శ్రీవేంకటేశ నీచిక్కులే యీపుట్టుగులు నీవు సేసే చేఁతలకు నే నెట్టు దొలఁగవచ్చు నీవొద్ద శరణంటి నీయానతినే వాని భావించి తోసితిఁగాక బలిమా రాచాజ్ఞతో	॥వాని॥