ఆంధ్రభారతి - తాళ్లపాక అన్నమాచార్య కీర్తనలు - నీవే సేసిన చేఁత నీవే చేకొనుటింతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 188-1
సంపుటము: 2-444

తాళ్లపాక అన్నమాచార్య

రాగము: గుండక్రియ

నీవే సేసిన చేఁత నీవే చేకొనుటింతే యీవల నీసొమ్ము నీకే ఇయ్య సిగ్గయ్యీనయ్యా	॥పల్లవి॥
అలుబిడ్డలఁ గని యటు దనమగనికి సీలాన సమర్పణ సేయవలెనటవయ్యా తాలిమిఁ బుణ్యాలు సేసి దైవమా నే నీకు యేలీల సమర్పించే నిందుకే నవ్వు వచ్చీనయ్యా	॥నీవే॥
అంకెలఁ గన్నకొడు కటు దమతండ్రికిని తెంకి నే నీవాఁడ నని తెలుపఁగవలెనటవయ్యా లంకె నాలోపలనున్నలక్ష్మీశ నే నీకు పొంకపు నీబంట నన్నఁ బునరుక్తయ్యీనయ్యా	॥నీవే॥
తననీడ యద్దములోఁ దానే యటు చూచి పనివడి వూరకే భ్రమయవలెనటయ్యా అనుగు శ్రీవేంకటేశ ఆతుమలోనున్న నిన్ను గని మని శరణంటిఁ గడఁ బూజించనేలయ్యా	॥నీవే॥