ఆంధ్రభారతి - తాళ్లపాక అన్నమాచార్య కీర్తనలు - అనలము సూర్యుఁడు నన్నిటందు వెలసిన (నా?) - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 188-2
సంపుటము: 2-445

తాళ్లపాక అన్నమాచార్య

రాగము: బౌళి

అనలము సూర్యుఁడు నన్నిటందు వెలసిన (నా?) ఘనపవిత్రమైనట్టు ఘనుఁడే పో జ్ఞాని	॥పల్లవి॥
కాంచనము అంటువడినఁ గలదా అందు నింద్యము పెంచు ముట్టంటువడినఁ బెక్కువ దూష్యము గాక అంచల సుజ్ఞానిఁ బాపమంటునా తాఁ జేసినాను పంచల నజ్ఞానినైతేఁ బైకొనిఁ గాక	॥అన॥
యెఱుకగల నాలిక నింతైనా జిడ్డంటునా యెఱుకలేనిచేత నింతా జిడ్డంటుఁ గాక కఱతలయోగిని కర్మములివంటునా చుఱచుఱ జడునైతేఁ జుట్టుకొనుఁ గాక	॥అన॥
తామెరపాకుల నీరు తగ నందు నంటునా ఆమేర నెందైనాను నంటుఁ గాక యీమేర శ్రీవేంకటేశుని దాసుఁడు భూమిఁ గామించి తా నుండినానుఁ గడు మాయలంటునా	॥అన॥