ఆంధ్రభారతి - తాళ్లపాక అన్నమాచార్య కీర్తనలు - కమ్మంటేఁ గావా కాఁగల వన్నియు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 188-3
సంపుటము: 2-446

తాళ్లపాక అన్నమాచార్య

రాగము: చాయానాట

కమ్మంటేఁ గావా కాఁగల వన్నియు చిమ్ముల మాయలు సేయఁగనేలా	॥పల్లవి॥
సరసిజాక్ష నీసంకల్పమాత్రము అరుదగు ఘనబ్రహ్మాండ మిది అరయఁగ ధరలో నల్పపుఁ బనులకు హరి యవతారం బందితివేలా	॥కమ్మం॥
సతత సురాసుర జననమరణములు మతి నీహుంకారమాత్రములు గతియై యమృతము గల్పించుకొరకును తతి ఘోరజలధి దచ్చితివేలా	॥కమ్మం॥
యి వైకుంఠము యీశేషగిరే మహి నీ దర్శనమాత్ర మిది విహరింపఁగ శ్రీవేంకటేశ యిటు బహులోకపుకల్పన లవి యేలా	॥కమ్మం॥