ఆంధ్రభారతి - తాళ్లపాక అన్నమాచార్య కీర్తనలు - రాచాజ్ఞ మరలించ రాజే కర్తగాన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 188-4
సంపుటము: 2-447

తాళ్లపాక అన్నమాచార్య

రాగము: సామంతం

రాచాజ్ఞ మరలించ రాజే కర్తగాన యేచి నీకు శరణంటి నిది మానుపవే	॥పల్లవి॥
కడు నహంకరించినను తొల్లి ఘనుడు నారదమౌని బెడిదపుటింతిఁ జేసి నీమాయ ఆతని బిడ్డలఁ గనిపించెను అడరి నే ననఁగా నెంతటివాఁడను అది నేఁ గడపఁగలనా తడవి నే శరణంటి దనుజారి ఆమాయ దగ్గరకుండఁగఁ జేయవే	॥రాచా॥
మహి మిమ్ము మోచేనని మున్ను మదించిన గరుడనిని సహజపు నీ హస్తము మోయకుండఁగ శక్తి హరించె నీమాయ బహుముఖముల నే నెంతటివాఁడను పాయఁగ నీమాయ అహిశయనుఁడ నే నీశరణంటివి అది నన్ను దగ్గరకుండఁ జేయవే	॥రాచా॥
సారపు శ్రీవేంకటేశ స్వతంత్రుఁడవు నీవు గారవపు మాయ నీదే కమ్మి నే నీవాఁడనే మారుదైవములు లేరు మరి నన్నుఁ గావ నిన్నుఁ బేరుకొని శరణంటిఁ బెడఁబాపు మాయ	॥రాచా॥