ఆంధ్రభారతి - తాళ్లపాక అన్నమాచార్య కీర్తనలు - అట్టయితే నా యంతర్యామివేలైతివయ్యా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 189-5
సంపుటము: 2-454

తాళ్లపాక అన్నమాచార్య

రాగము: పాడి

అట్టయితే నా యంతర్యామివేలైతివయ్యా మట్టుమీఱి ముక్తియాస మాననటవయ్యా	॥పల్లవి॥
పొలఁతులు లేరా భూమి భోగించే నే లేనా కలకాల మింద్రియాల కాణాచి లేవో తొలి యీసంసారము లేదో నాకాంక్షలు లేవో యెలమి నిన్నుఁ గొలుచు టిందుకటవయ్యా	॥అట్ట॥
ధరలోఁ బసిఁడి లేదా తగిలి నాయాస లేదా సిరుల యజ్ఞానపుచీఁకటి లేదా అరయఁ జవులు లేవా అందుకో నాలికె లేదా యిరవై నిన్నుఁ గొలుచు టిందుకటవయ్యా	॥అట్ట॥
అట్టే సర్వాపరాధి నపరాధా లెంచనేల గట్టిరాళ్లలో మలిగండ్లేరనేల నెట్టన శ్రీవేంకటేశ నిన్నుఁ జూచి కావకుంటే ఇట్టే నిన్నుఁ గొలుచు టిందుకటవయ్యా	॥అట్ట॥