ఆంధ్రభారతి - తాళ్లపాక అన్నమాచార్య కీర్తనలు - మరిగితి నేమి సేతు మగిడి నేనెందు వోదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 189-6
సంపుటము: 2-455

తాళ్లపాక అన్నమాచార్య

రాగము: బౌళి

మరిగితి నేమి సేతు మగిడి నేనెందు వోదు సరుస దైవమ నీకే శరణు చొచ్చేను	॥పల్లవి॥
తల్లి గోపించి మొత్తినఁ దనయుఁడు తల్లికొంగే యెల్లగాఁ బట్టి పెనఁగి యేడిచినట్టు వెల్లవిరై హరి నీవు విషయాలఁ జిక్కించితే ఇల్లిదే నిన్నుఁ దలఁచి ఇటు దూరే నేను	॥మరి॥
కన్నతండ్రి బాలునిఁ జంకంబెట్టి దించితేను కొన్నేసి విలుచు ముద్దుగునిసినట్టు వున్నతి నాలోనుండి వూరకే మాయ నాపై బన్నితే నిన్నే సొలసి పగటులాడేను	॥మరి॥
దైవము దాతవు నీవే తల్లివి దండ్రివి నీవే భావించి చేపట్టితే నీ బంట నే నింతే శ్రీవేంకటేశ నీవు చేకొని రక్షించఁగాను జీవుఁడనయిన నేను చెలఁగి మొక్కేను	॥మరి॥