ఆంధ్రభారతి - తాళ్లపాక అన్నమాచార్య కీర్తనలు - ఎట్టు వలసినఁ జేయు మిన్నియు నీచిత్తమె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 190-1
సంపుటము: 2-456

తాళ్లపాక అన్నమాచార్య

రాగము: లలిత

ఎట్టు వలసినఁ జేయు మిన్నియు నీచిత్తమె నెట్టన(నె?) నొకఁడనా నీవే యింతాను	॥పల్లవి॥
వేవేలు నీకు విన్నవించేదేమి తొల్లే సావధానముగ సర్వసాక్షివి నీవు ఆవల నాకిటు సేయుమని చెప్పేదేమి నేను దైవికమైనట్టి స్వతంత్రుఁడవు నీవు	॥ఎట్టు॥
తగిలి నిన్ను నాలో ధ్యానించేదేమి తొల్లె జగతి నీవు పూర్ణచైతన్యుఁడవు జిగి నీనామము నోరఁ జిక్కించి నుడిగేదేమి మగుడి శబ్దాక్షరమంత్రరూపుఁడవు	॥ఎట్టు॥
చేవమీర సిరులఁ బూజించేదేమి నిన్ను శ్రీవేంకటేశ నీవు శ్రీపతివి దేవదేవ నిన్ను నీవే తేఁకువెల్లా నెంచుకొని కావుము నీవొక్కఁడవే కరుణానిధివి	॥ఎట్టు॥