ఆంధ్రభారతి - తాళ్లపాక అన్నమాచార్య కీర్తనలు - ఈతనిమూలమెపో యిలఁగల ధనములు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 190-2
సంపుటము: 2-457

తాళ్లపాక అన్నమాచార్య

రాగము: బౌళి

ఈతనిమూలమెపో యిలఁగల ధనములు యీతఁడు మాకు గలఁడు యెంత లేదు ధనము	॥పల్లవి॥
విరతి మాధనము విజ్ఞానమే ధనము మరిగిన తత్వమే మా ధనము పరము మా ధనము భక్తే మా ధనము మా- కరిరాజవరదుఁడే కైవల్యధనము	॥ఈత॥
శాంతమే మా ధనము సంకీర్తనే ధనము యెంతైనా నిశ్చింతమే ఇహధనము అంతరాత్మే మా ధనము హరిదాస్యమే ధనము యింతటా లక్ష్మికాంతుఁ డింటిమూలధనము	॥ఈత॥
ఆనందమే ధనము ఆచార్యుఁడే ధనము నానాటఁ బరిపూర్ణమే ధనము ధ్యానమే మా ధనము దయే మా ధనము పానిన శ్రీవేంకటాద్రిపతియే మా ధనము	॥ఈత॥