ఆంధ్రభారతి - తాళ్లపాక అన్నమాచార్య కీర్తనలు - నీమాయ కల్లగాదు నిజము దెలియరాదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 190-3
సంపుటము: 2-458

తాళ్లపాక అన్నమాచార్య

రాగము: భవుళి

నీమాయ కల్లగాదు నిజము దెలియరాదు కామించి హరి నీ వొక్కఁడవే నిజము	॥పల్లవి॥
చచ్చేటి దొకమాయ హరిఁ బుట్టేదొకమాయ మచ్చుమేపులసిరులు మాయలో మాయ వచ్చేటి దొకమాయ వచ్చిపోయ్యే దొకమాయ కచ్చుపెట్టి హరి నీ వొక్కఁడవే నిజము	॥నీమా॥
పొద్దువొడచేది మాయ పొద్దుగుంకే దొకమాయ నిద్దురయు మేల్కనేది నిండుమాయ వొద్దనే సుఖము మాయ వొగి దుఃఖ మొకమాయ గద్దరి శ్రీహరి నీ వొక్కఁడవే నిజము	॥నీమా॥
కూడేటి దొకమాయ కూడి పాసే దొకమాయ యేడ నేర్చితి శ్రీవేంకటేశుఁడ నీవు వేడుక నీశరణంటి విడిపించు మీమాయ వోడక వెదకితి నీ వొక్కఁడవే నిజము	॥నీమా॥