ఆంధ్రభారతి - తాళ్లపాక అన్నమాచార్య కీర్తనలు - తిరుమలగిరిరాయ దేవరాహుత్తరాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 190-4
సంపుటము: 2-459

తాళ్లపాక అన్నమాచార్య

రాగము: దేసాళం

తిరుమలగిరిరాయ దేవరాహుత్తరాయ సురతవిన్నాణరాయ సుగుణకోనేటిరాయ	॥పల్లవి॥
సిరుల సింగారరాయ చెలువపు తిమ్మరాయ సరస వైభవరాయ సకలవినోదరాయ వర వసంతములరాయ వనితల విటరాయ గురుతైన తేగరాయ కొండల కోనేటిరాయ	॥తిరు॥
గొల్లెతల వుద్దండరాయ గోపాలకృష్ణరాయ చల్లు వెదజాణరాయ చల్లఁ బరిమళరాయ చెల్లుబడి దర్మరాయ చెప్పరాని వలరాయ కొల్లలైన భోగరాయ కొండల కోనేటిరాయ	॥తిరు॥
సామసంగీతరాయ సర్వమోహనరాయ ధామవైకుంఠరాయ దైత్యవిభాళరాయ కామించి నిన్నుఁ గోరితే గరుణించితివి నన్ను శ్రీమంతుఁడ నీకు జయ శ్రీవేంకటరాయ	॥తిరు॥