ఆంధ్రభారతి - తాళ్లపాక అన్నమాచార్య కీర్తనలు - అన్నిటా శాంతుఁడైతే హరిదాసుఁడు దానే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 190-5
సంపుటము: 2-460

తాళ్లపాక అన్నమాచార్య

రాగము: భవుళి

అన్నిటా శాంతుఁడైతే హరిదాసుఁడు దానే సన్నుతిఁ దానే పో సర్వదేవమయుఁడు	॥పల్లవి॥
అత్తల మనసు యింద్రియాధీనమైతేను చిత్తజుఁడనెడివాఁడు జీవుఁడు దానే కొత్తగాఁ దనమనసే కోపాన కాధీనమైతే తత్తరపు రుద్రుఁడునుఁ దానే తానే	॥అన్ని॥
భావము వుద్యోగముల ప్రపంచాధీనమైతే జీవుఁడు బ్రహ్మాంశమై చెలఁగుఁ దానే కావిరి రేయిఁబగలు కన్నుల కాధీనమైతే ఆవలఁ జంద్రసూర్యాత్మకుఁడు దానే	॥అన్ని॥
కోరికఁ దనబ్రదుకు గురువాక్యాధీనమైతే మోరతోపులేని నిత్యముక్తుఁడు దానే ఆరయ శ్రీవేంకటేశుఁ డాతుమ ఆధీనమైతే ధారుణిలో దివ్యయోగి తానే తానే	॥అన్ని॥