ఆంధ్రభారతి - తాళ్లపాక అన్నమాచార్య కీర్తనలు - వినవమ్మ జానకి నీవిభుఁ డింత సేసినాఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 191-1
సంపుటము: 2-462

తాళ్లపాక అన్నమాచార్య

రాగము: రామక్రియ

వినవమ్మ జానకి నీవిభుఁ డింత సేసినాఁడు యెనసి యీరఘుశ్రీరాముఁ డికఁ నేమి సేసునో	॥పల్లవి॥
వానరులదండు గూడి వారధి కొండలఁ గట్టె ఆని లంక చుట్టిరా నదే విడిసె కోనలఁ ద్రికూటమెక్కె గొడగు లన్నియుఁ జెక్కె యే నెపాన రఘురాముఁ డిఁక నేమి సేసునో	॥విన॥
కోరి ఇంద్రజిత్తుఁ జంపె కుంభకర్ణు నిర్జించె ఘోరదానవులనెల్ల కూలఁగుమ్మెను మారణహోమము సేసె మతకమింతాఁ జెరిచె యీరసాన రఘురాముఁ డిఁక నేమి సేసునో	॥విన॥
లావున రావణుఁ జంపె లంక విభీషణు కిచ్చె చేవల నోసీత నిన్నుఁ జేకొనెను భావించి శ్రీవేంకటాద్రిఁ బట్టము దాఁ గట్టుకొనె యీవలనావల నాతఁ డిఁక నేమి సేసునో	॥విన॥