ఆంధ్రభారతి - తాళ్లపాక అన్నమాచార్య కీర్తనలు - నిరుహేతుకాన నన్ను నీవు రక్షించే వింతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 192-1
సంపుటము: 2-468

తాళ్లపాక అన్నమాచార్య

రాగము: బౌళి

నిరుహేతుకాన నన్ను నీవు రక్షించే వింతే నిరతి నాకొరకే పో నిను సేవించేది	॥పల్లవి॥
ముందు సిరులిత్తువని మోక్షము నీ విత్తువని బందుకట్టుదు దుఃఖములఁ బాపుదువని యిందలి యాసలనేపో యేచిన నాభయభక్తి యెందును నావల్ల నీకు నించుకంతా లేదు	॥నిరు॥
జననాలు చూచి చూచి సరి మరణాలు చూచి వెనకటి నీకథలు వినివిని వినుపై యీయాసనేపో విన్ను సారెఁ బొగడేది వొనర నీయాసేపో వుపకారగురువు	॥నిరు॥
లోకులు గొలువఁగాను లోన నీవు వుండఁగాను దీకొని గురుఁడు బోధించఁగాను కైకొని శ్రీవేంకటేశ కరుణించగా నీవు దాకొని యీయాసకే నీదాసినై కొలిచితి	॥నిరు॥