ఆంధ్రభారతి - భద్రాచల రామదాసు కీర్తనలు - ఇదిగో భద్రాద్రి గౌతమి అదిగో చూడండి

వరాళి - ఆది (మోహన - ఆది)

పల్లవి:

ఇదిగో భద్రాద్రి గౌతమి అదిగో చూడండి
ముదముతో సీత ముదిత లక్ష్మణులు
కలసి కొలువగా రఘుపతియుండెడి ఇది..

చరణము(లు):

చారుస్వర్ణప్రాకార గోపుర
ద్వారములతో సుందరమైయుండెడి ఇది..

అనుపమానమై యతిసుందరమై
దనరుచక్రమది ధగధగ మెరిసెడి ఇది..

కలియుగమందున నిలవైకుంఠము
నలరుచునున్నది నయముగ మ్రొక్కుడి ఇది..

పొన్నల పొగడల పూపొదరిండ్లతొ
చెన్నుమీరగను చెలగుచునున్నది ఇది..

శ్రీకరముగ శ్రీరామదాసుని
ప్రాకటముగ బ్రోచే ప్రభువాసము ఇది..