ఆంధ్రభారతి - భద్రాచల రామదాసు కీర్తనలు - ననుబ్రోవమని చెప్పవే సీతమ్మతల్లి న..

కల్యాణి - ఆది ( - త్రిపుట)

పల్లవి:

ననుబ్రోవమని చెప్పవే సీతమ్మతల్లి న..

చరణము(లు):

ననుబ్రోవమని చెప్పవే నారీశిరోమణి
జనకుని కూతుర జనని జానకమ్మ న..

ప్రక్కను చేరుక చెక్కిలి నొక్కుచు
చక్కగ మరుకేళి సొక్కుచుండెడి వేళ న..

ఏకాంతరంగుడు శ్రీకాంత నినుగూడి
ఏకాంతమున నేకశయ్యనున్న వేళ న..

అద్రిజవినుతుడు భద్రగిరీశుడు
నిద్రమేల్కొనువేళ నెలతరో బోధించి న..