 |
    |
    |
 |
    |
    |
 |
| కవితలు | బంగారిమామ పాటలు | కొనకళ్ల వెంకటరత్నం |
| 3. ఏ గంటకు? | |
| ఏ గంటకు రమ్మంటవె కన్నెలేడి? | |
| ను | |
| వ్వేడ కాచుకోనుంటవె వన్నెలాడి? పుగతోటకు నీళ్లుపెట్టి, బుగతగారి నేమరించి, కోరుకొన్న మొగలిపొత్తి కొండకోన వెతికితెచ్చి, అలసట తీరేతలికే అద్దరేత్తి రవుతాది- | |
| ఏగంటకు... | |
| చీకట్లో నీ అందము చిక్కువిడదు నా కంటికి; వెన్నెలలో నీ రూపము కన్ను చెదరగొడతాది; చీకటి వెలుగుల సందున చేరరావె చిన్నారీ- | |
| ఏగంటకు... | |
| మోటసరుకు తోటగాలి కాటేస్తే కసిరి కసిరి, నిమ్మతోట పరువానికి నిలవలేక నిలవలేక, నలుగుడుపడివస్తె ను వ్వలిగిరాకు ఆగిపోకు- | |
| ఏగంటకు... | |
| చిలిపితనానికి పేరు చెల్లెమ్మకు దొరికేవు; గుంటల కోనేటిమీద గొబ్బెమ్మలు నిలిపింది; అడుగుపడిందంటె చాలు ఆనవాలు పట్టేస్తది- | |
| ఏగంటకు... | |
| సోగకనుల్ పట్టలేను తీగమల్లెకడ వొద్దు; కలిసిపోవు నీ బుగ్గలు గులాబంట్ల వెనకొద్దు; పువులపొంత పొదలచెంత పొంచుని నను వంచింపకు | |
| ఏగంటకు... | |
| పొడుపు కతల తమ్మయ్యకు పొద్దోయిందని వూది, ఊసులాడు నేస్తాలకు 'ఊ'కొట్లతో సరిపెట్టి, కునికే చుక్కల వెలుగున గుట్టుచప్పుడుగ రా సుమి | |
| ఏగంటకు... | |
 |
|