 |
    |
    |
 |
    |
    |
 |
| కవితలు | బంగారిమామ పాటలు | కొనకళ్ల వెంకటరత్నం |
| 11. రాకోయి రాజా | |
| రాకోయి నా రాజా అపుడె రాకోయి నారాజా! నీ రాణిగారు కబురంపేదాకా | |
| రాకోయి నా.... | |
| వస్తావని పదినాళ్ళయి విన్నా; ముస్తాబింకా ముగియనెలేదు; మోహపడిన నారాజు కనులలో మోజుచెడిన బ్రతుకేలకాల్పనా? | |
| రాకోయి నా.... | |
| పండువంటి నా వొడలికి దీటని పండుగనా డీ వంపిన చీర, ఎట విడిచితినో, ఎటు మరచితినో, ఏమి తేల, దెటుపాలుపో దపుడె | |
| రాకోయి నా.... | |
| రానన్నాళ్ళూ రాత్తిరిపగలూ రాలేదని గుండెలలో దిగులు! వస్తావని విన్నపుడే మొదలూ వచ్చి గడియ నిలవోయని గుబులూ | |
| రాకోయి నా.... | |
| మల్లెలు మనుసో, మంకెన సొగుసో, మది నీ కెది ఇంపగునో తగునో, అడివి, కోన గాలించి వెతికినా అందమైన పూ వమరదు సిగలో! | |
| రాకోయి నా.... | |
| సిగ్గుతెరలలో చిరునవుపొరలో చిటిపొటిమాటలు చిలికేతీరు పల్కుటలో, మరి పల్కరింపులో, పట్టుపడలేదు పరాకె వదలదు | |
| రాకోయి నా.. | |
 |
|