రాజసూయమునకు భీష్మాదు లరుదెంచుట (సం. 2-31-4)
| క. |
అనుపమధనరాసులు గొను | చును ననురాగమున రాజసూయమఖాలో
కన కౌతూహలపరు లయి | చనుదెంచిరి భీష్ముఁదొట్టి సద్బంధుజనుల్.
|
285 |
| వ. |
ఇట్లు వచ్చిన భీష్మ ధృతరాష్ట్ర విదుర ద్రోణ కృపాశ్వత్థామ సోమదత్త కర్ణ భూరిశ్రవశ్శల్య శకుని సైంధవ దుర్యోధన దుశ్శాసన వికర్ణాదుల నెల్లం బ్రియసత్కారంబులం బూజించి వారలతో ధర్మరా జి ట్లనియె.
|
286 |
| ఆ. |
మీ యనుగ్రహమునఁ జేయంగఁ గడఁగితి | నిమ్మహాధ్వరంబు నెమ్మితోడ
దీని నిందఱును ననూనంబుగాఁ బూని | పెంపు మెఱసి నిర్వహింపవలయు.
|
287 |
| వ. |
అని వారల యనుగ్రహంబు వడసి హిరణ్య రజత రత్న దక్షిణా దాన విషయంబులందుఁ గృపాచార్యునిఁ, గృతాకృత పరిజ్ఞానంబునందు భీష్మద్రోణులను, సకల వస్తు వ్యయంబునందు విదురుని, నానాదేశాగతులైన రాజులు దెచ్చి యిచ్చిన యుపాయనంబులు గైకొన దుర్యోధనుని, భక్ష్యభోజ్యాది వినియోగంబునందు దుశ్శాసనుని నియోగించి.
|
288 |
