 |
    |
    |
 |
    |
    |
 |
| కీర్తనలు | అధ్యాత్మ రామాయణ కీర్తనలు | మునిపల్లె సుబ్రహ్మణ్య కవి |
అరణ్యకాండము-02
రాగం: మంగళకౌళిక - తాళం: ఆది
పల్లవి:
వీనుల విందుగను వినవే యీ చరిత మిమ్ముగను ॥వీనుల॥
అనుపల్లవి:
శ్రీనివాసుని బూజించి సుతీక్షణుఁడు సమ్మానముగాంచి సానందుఁడై పలికెను ॥వీనుల॥
చరణములు:
రామ నీ తారకనామమంత్రజపము
నేమమునజేసితి నీరజాక్ష
శ్రీమహిళాధీశ శివవిరించిసేవ్య
కామసంసారసాగరతరణచరణాల యని ॥వీనుల॥
నేమమునజేసితి నీరజాక్ష
శ్రీమహిళాధీశ శివవిరించిసేవ్య
కామసంసారసాగరతరణచరణాల యని ॥వీనుల॥
సతిసుతాదిఘోరసంసారాంధకూప
పతితుఁడనై పాపమతినై
గతిగానని నను గన నిర్హేతుక దయా-
మతివై నీవే వచ్చితివనెను సంయమి ॥వీనుల॥
పతితుఁడనై పాపమతినై
గతిగానని నను గన నిర్హేతుక దయా-
మతివై నీవే వచ్చితివనెను సంయమి ॥వీనుల॥
సకలభూతమానసాలయుఁడవైనను
బ్రకటించి నిన్ను జపమ్ము సేయని
వికలుల మాయావివశులుగ జేతు
వకట నిను భజియించ నఘము బాపుదువనెను ॥వీనుల॥
బ్రకటించి నిన్ను జపమ్ము సేయని
వికలుల మాయావివశులుగ జేతు
వకట నిను భజియించ నఘము బాపుదువనెను ॥వీనుల॥
విశ్వసృష్టిస్థితినిలయముల కజహరి-
విశ్వేశరూపముల వెలయుదీవు హరి-
దశ్వుఁ డనేకపాత్రముల గనబడు భంగి
శాశ్వతుఁడ విది మూఢజను లెఱుఁగరనె దపసి ॥వీనుల॥
విశ్వేశరూపముల వెలయుదీవు హరి-
దశ్వుఁ డనేకపాత్రముల గనబడు భంగి
శాశ్వతుఁడ విది మూఢజను లెఱుఁగరనె దపసి ॥వీనుల॥
పరమేశ ప్రకృతికిఁ బరుఁడవౌ నీ దివ్య-
చరణముల్గంటి దృక్స్వాంతములకు గో-
చరుఁడవు గావైన హరి నీ నామస్మరణ
పరమతుల కెపుడు గనుపట్టుదువనె మౌని ॥వీనుల॥
చరణముల్గంటి దృక్స్వాంతములకు గో-
చరుఁడవు గావైన హరి నీ నామస్మరణ
పరమతుల కెపుడు గనుపట్టుదువనె మౌని ॥వీనుల॥
రూపాద్యుపాధిదూరుఁడవైన మాయానట-
నాపాదితమౌ నీ మానవరూపము యిది-
గో పొడగంటి స్మరకోటిసుందరము శర-
చాపాన్వితము కరుణాశ్రయనేత్ర యనెను ముని ॥వీనుల॥
నాపాదితమౌ నీ మానవరూపము యిది-
గో పొడగంటి స్మరకోటిసుందరము శర-
చాపాన్వితము కరుణాశ్రయనేత్ర యనెను ముని ॥వీనుల॥
స్మితలలితాస్యము సీతాయుత మజినాంబర మ-
జితము సౌమిత్రిసేవితపాదము న-
ప్రతిమ మసితోత్పలాభము మద్భాగధేయ
మతిశాంతమగు నీ శుభాంగము గంటిననె ॥వీనుల॥
జితము సౌమిత్రిసేవితపాదము న-
ప్రతిమ మసితోత్పలాభము మద్భాగధేయ
మతిశాంతమగు నీ శుభాంగము గంటిననె ॥వీనుల॥
దేశకాలకర్మాతీత విజ్ఞాన మఖి-
లేశ నీ రూప మతిహిత మమలము
నాశరహితము స్వప్రకాశము నిఖిలావ-
కాశము చిద్ఘనాకాశమని పొగడె ముని ॥వీనుల॥
లేశ నీ రూప మతిహిత మమలము
నాశరహితము స్వప్రకాశము నిఖిలావ-
కాశము చిద్ఘనాకాశమని పొగడె ముని ॥వీనుల॥
ఈ రూపు భావించి యికనొకటి నా మనసు
కోరలేదనిన మునితో రాముఁడు చె-
న్నారగఁ బల్కె మునినాథ నీ మది మత్స-
మారాధనమున నిర్మలమౌ టెఱుఁగుదుననె ॥వీనుల॥
కోరలేదనిన మునితో రాముఁడు చె-
న్నారగఁ బల్కె మునినాథ నీ మది మత్స-
మారాధనమున నిర్మలమౌ టెఱుఁగుదుననె ॥వీనుల॥
మీవంటి భక్తులఁ బ్రోవ వచ్చితి నన్ను
భావించి వినుతించి సేవించి మా-
కీవేగతి యనువారి కెపుడుఁ జూపడుచుఁ
గోవిందుఁడ వీవు ముక్తుఁడ వైతివనె జక్రి ॥వీనుల॥
భావించి వినుతించి సేవించి మా-
కీవేగతి యనువారి కెపుడుఁ జూపడుచుఁ
గోవిందుఁడ వీవు ముక్తుఁడ వైతివనె జక్రి ॥వీనుల॥
ఈ పావనస్తోత్ర మెవరు పఠించినఁ
దాపత్రయమ్మును బాపుదురు
దీపించి మద్భక్తి దృఢమౌ సుజ్ఞానము
ప్రాపింతురు పరమపదమనెను రాఘవుఁడు ॥వీనుల॥
దాపత్రయమ్మును బాపుదురు
దీపించి మద్భక్తి దృఢమౌ సుజ్ఞానము
ప్రాపింతురు పరమపదమనెను రాఘవుఁడు ॥వీనుల॥
మన మగస్త్యుని జూడ జనవలెనని సుతీ-
క్షణయుతుఁడై సీతాలక్ష్మణులతోడఁ
జని యగస్త్యానుజుని గని యవల శేషశై-
లనివాసుఁ డగస్త్యాశ్రమముఁ జేరి నుతించె ॥వీనుల॥
క్షణయుతుఁడై సీతాలక్ష్మణులతోడఁ
జని యగస్త్యానుజుని గని యవల శేషశై-
లనివాసుఁ డగస్త్యాశ్రమముఁ జేరి నుతించె ॥వీనుల॥
 |
|
|