ఆంధ్రభారతి - నారాయణ తీర్థ - నారాయణతీర్థ తరంగములు

ప్రథమ తరంగం (శ్రీకృష్ణప్రాదుర్భావ వర్ణనం)
శ్లో.	హిమగిరితనయాపత్యం హేమాచలచాపసముదితం తేజః కిమపి మహత్తమమాద్యం స్మర్తవ్యం విఘ్నతిమిరహరణాయ॥	1
శ్లో.	గిరిరాజసుతాసూనుః కరిరాజవరాననః పరిపంథిగణధ్వంసీ సురసేవ్యో విరాజతే॥	2

గానం: శ్రీ ఆకొండి శ్రీనివాస రాజారావు, కాకినాడ.

కీర్తన

సౌరాష్ట్ర - ఆట (మోహన - చాపు)
పల్లవి:	జయజయ స్వామి\న్‌	జయజయ॥
అనుపల్లవి:	జయజయ జితవైరి	వర్గప్రచండ
	జయజయ గజముఖ	జయవక్రతుండ॥
చరణ (1):	మూషకవాహన	మునిజనవంద్య
	దోషరహిత	దళితాసురబృంద
	శేషభూషణ	శైవవారిధిచంద్ర
	పోషితపరిజన	పుణ్యైకకంద॥
చరణ (2):	అద్రిసుతాసుత	అనవద్యచరిత
	భద్రభక్తభవ	భయహర ముదిత
	రుద్రోదిత ఋజు	మస్తకసహిత
	సద్రూపసరసిజ	సముదితవినుత॥
చరణ (3):	లంబోదర ధీర	లావణ్యసార
	కంబుసుధానిధి	కర్పూరగౌర
	సాంబసదాశివ	సత్కృతిచతుర
	సామవేదగీత	సకలాధార॥
చరణ (4):	శక్రాదిసురగణ	సన్నుతచరణ
	శాతకుంభమణి	దివ్యాభరణ
	ధిక్కృతఘనవిఘ్న	తిమిరావరణ
	ధీరనారాయణ	తీర్థసుకరణ॥

01.01

శ్లో.	అమృతకలశహస్తం శ్రీపతే ర్యానకేతుం సురరిపుతిమిరారిం సోమసూర్యాదిగీతం అమితబల మశేషప్రాణినాం ప్రాణభూతం నిగమమయ శుభాంగం భావయామ్యాప్తకామమ్‌॥	3
శ్లో.	వైనతేయం విరాజంతం విష్ణువాహన ముత్తమం వైకుంఠాశ్రయ మామ్నాయకాయం గాయామి కామదమ్‌॥	4

కీర్తన

ముఖారి - ఆట
పల్లవి:	శ్రీనారాయణవాహన - శ్రిత	మునిజనమండలపావన॥
అనుపల్లవి:	వినతావరతనయ	వేదాంగశుభకాయ
	వివిధవిశ్వాలయ	వీర మాం పాలయ॥
చరణ (1):	సకలజగత్ప్రాణదాయక సుర	సన్నుతసర్వవినాయక
	వికటాసురరిపువిదారక విశ్వ	విపులకల్యాణవిధాయక
	అకళంకశితికంఠ	ఆశ్రితవైకుంఠ
	వికచకమలతుండ	విగతమోహకాండ
	శకలితపాషండ	శత్రుహరప్రచండ
	అధికబలోద్దండ	అద్భుతదోర్దండ॥
చరణ (2):	అశుభతిమిరచండభాస్కర సామ	విశదఘోషపక్షభాసుర
	మశకీకృతసకలాసుర మంజు	మణిరశనాశేషశుభకర
	అసురభయంకర	అమృతకలశహర
	కుసుమనిచయభార	క్రూరభుజగహార
	అసదృశాచలాకార	ఆశ్రితశుభకర
	లసదరుణాధర	లీలామయశరీర॥
చరణ (3):	నిరవధికామలపరాక్రమ నిత్య	నిర్మలఖలదురతివిక్రమ
	మురరిపుచరణాబ్జసంభ్రమ ముని	నారాయణతీర్థమతిరమ
	అరవిందలోచన	అఘబంధుమోచన
	సురరిపుశాసన	సోమరవినయన
	పరిజనపాలన	పామరవిదళన
	గురుకృతసేవన	గోకులభవన॥

01.02

శ్లో.	ప్రహ్లాదనారదపరాశరపుండరీక వ్యాసాంబరీషశుకశౌనకభీష్మదాల్భ్యా\న్‌ రుక్మాంగదార్జునవసిష్ఠవిభీషణాదీ\న్‌ పుణ్యానిమా\న్‌ పరమభాగవతా\న్‌ స్మరామి॥	5
శ్లో.	నీలాచలవరనిలయం నిఖిలజగన్నాథ మేకమాకలయే నీరధి వటతరునికటం నిజసేవకబృందహితవిధాతారమ్‌॥	6

కీర్తన

సౌరాష్ట్ర - త్రిపుట
పల్లవి:	సుభద్రాబలభద్ర	సుదర్శనసహిత॥
అనుపల్లవి:	ఇభరాజతారక	ఈశ మా మవ దేవ॥
చరణ (1):	లవణజలధితీర	లలితనీలాచల
	నవమణిపరిశోభి	నవ్యదివ్యభవన॥
చరణ (2):	వటవిటపినికట	వరసింహాసన
	నిటలాక్షవిధికృత	నిత్యమంగళాచరణ॥
చరణ (3):	మార్కండేయజలధి	మధ్యగణేశహిత
	దుర్గతిహర అష్ట	దుర్గాపరివేష్టిత॥
చరణ (4):	పతితజనపావన	పరమదివ్యమంగళ
	అతికరుణాకర	అద్భుతమహాప్రసాద॥
చరణ (5):	జగన్మోహనమంటప	జయశబ్దబహుళ
	జగదేకనాయక	జితసురారిమండల॥
చరణ (6):	వినతాతనయసేవ్య	వినతమంగళకర
	విదళితభవబంధ	వేదవనసంచార॥
చరణ (7):	నారదాదిమునిగేయ	నామధేయ సుఖద
	నారాయణానంద	తీర్థభావితానంద॥

01.03

శ్లో.

సర్వజ్ఞానక్రియాశక్తిం సర్వయోగేశ్వరం ప్రభుం
సర్వవేద్యవిదం విష్ణుం ప్రభవిష్ణుముపాస్మహే॥

కీర్తన

నాట - జంపె
పల్లవి:	జయజయ రమానాథ	జయజయధరానాథ॥
అనుపల్లవి:	జయజయ వరాహపుర	శ్రీవెంకటేశ॥ జయజయ
చరణ (1):	నిగమగోచర నిత్య	నిర్మలానందఘన
	విగళితమహామోహ	విమలవిజ్ఞానహరే
	ఖగయానసంచార	ఖండితాసురనికర
	సకలగుణసంపన్న	సత్యపరిపూర్ణ॥ జయజయ
చరణ (2):	మధుసూద నానంత	మాయయా కృతభువన
	విధుదివాకరనయన	వేదాంతభవన హరే
	విధిముఖసురేంద్రనుత	విపులకల్యాణయుత
	విమలయోగిధ్యేయ	వివిధమునిగేయ॥ జయజయ
చరణ (3):	మురనరకసంహార	మూఢమతిజనదూర
	పరిజనశివంకర	పరావరశరీర హరే
	నిరవధికకారుణ్య	నిఖిలలోకశరణ్య
	సరసనారాయణతీర్థ	సద్గురువరేణ్య॥ జయజయ

01.04

శ్లో.

కృష్ణ కృష్ణ కృపాసింధో భక్తసింధుసుధాకర
మాముద్ధర జగన్నాథ మాయామోహమహార్ణవాత్‌॥

కీర్తన

సౌరాష్ట్ర - త్రిపుట
చరణ (1):	మత్స్యకూర్మవరాహనరమృగ	వామనామరభార్గవ
	కుత్సితారివిరామదశరథ	రామబలరామాభవ ॥కృష్ణ కృష్ణ
చరణ (2):	కృష్ణ కృష్ణ కృపాసముద్ర వి	తృష్ణ బుద్ధ గుణాకర
	కృష్ణ కల్కిశరీర ఖలజన	కృంత నామర సుఖకర ॥కృష్ణ కృష్ణ
చరణ (3):	నిత్యశుద్ధసుఖానుభూతి	నిరంజ నాఖిలరంజన
	ప్రత్యగేకరసైకవిగ్రహ	పరమపావన ॥కృష్ణ కృష్ణ
చరణ (4):	గోపగోపీగోజనావన	గూఢపరతత్త్వాచ్యుత
	తాపహరనారాయణతీర్థ సం	తారకవిజయగోపాలక ॥కృష్ణ కృష్ణ

01.05

శ్లో.	వాసుదేవే భగవతి భక్తిప్రవణయా ధియా వ్యజ్యతే భక్తిసారాఢ్యా కృష్ణలీలాతరంగిణీ॥	9
శ్లో.	ఆదౌ కృష్ణావతార స్తదను నరహరే ర్బాలలీలావిలాసో వత్సానాం పాలనం తచ్చరిత మథ గవాంపాలనం ప్రౌఢభావః గోపీవస్త్రాపహార స్తదను గిరివరోద్ధారణం రాసలీలా కంసాదీనాం నిరాసస్తదనుజలనిధౌ ద్వారకాయాంప్రవేశః॥	10
శ్లో.	రౌహిణేయస్య కృష్ణస్య వివాహ స్తదనంతరం రుక్మిణ్యాద్యష్టమహిషీసహితో గీయతేఽమరైః॥	11
శ్లో.	ఇత్యేవం సంగ్రహేణోక్తా కృష్ణలీలాతరంగిణీ ఆద్యః కృష్ణావతారోఽయం సంగ్రహేణాభినీయతే॥	12
శ్లో.	ఉగ్రసేనస్తతః కంసో దేవకీవసుదేవయోః తయోః కారాగృహే వాసః కంసేన విహితః కిల॥	13
శ్లో.	బ్రహ్మా సురేంద్రో ధరణీ సనకాద్యాస్తతో హరిః భగవత్ప్రార్థనా తేషాం తత్తత్‌ స్థాననివేశనమ్‌॥	14
శ్లో.	నారదస్యోపదేశేన షట్సుతానాం వినాశనం దేవక్యా స్సప్తమో గర్భః సంకర్షణ ఇతీరితః॥	15
శ్లో.	గోకులే కృష్ణగమనం దుర్గాయా మధురాగమః కథాయా సంగ్రహస్త్వేవం చరిత్రేఽస్మి న్నిగద్యతే॥	16
అథ తత్రాదా వుగ్రసేనాగమనమ్‌।

కీర్తన

దరువు - సౌరాష్ట్ర - ఆది
అగ్రేసరో మహాత్మనాం	అగ్రగణ్యోఽపి ధీమతాం
ఉగ్రశాసనకాగ్రణీ	రుగ్రసేనో విరాజతే॥

01.06

కీర్తన

దరువు - సౌరాష్ట్ర - ఆది
శఠో హఠా దధర్మకృత్‌	మహామూఢో మహాబలీ
కఠోరహృదయో నిత్యం	కంసాసుర స్సమాయాతి॥

01.07

కీర్తన

దరువు - నాదనామక్రియ - ఆది
ఆయాతి దేవకీ దివ్యసుందరీ విష్ణు
మా యేవ సాక్షా దియ మమరీనారీ
నరాధిపవరగేహినీ శ్రీ
నారాయణీయదివ్యమూర్తిజననీ
ఇందువదనారవిందలోచనా శుభ
కుందరదనా కుటిలకుంతలఘనా॥

01.08

అథ వుగ్రసేనానుజ్ఞయా వసుదేవాగమనమ్‌।

కీర్తన

దరువు - శ్రీ - ఆది
అసురారణ్యకుఠారో	వసుమత్యాం మహానసౌ
వసుధాధిపతిలకో	వసుదేవో విరాజతే॥

01.09

గద్య.	అథ దేవకీవసుదేవయోః వివాహోత్సవానంతరం వసుదేవ గృహప్రవేశసమయే తయో స్సారథ్యం కుర్వతి కంసే దేవక్యాస్త్వష్టమో గర్భః కంసమృత్యురిత్యశరీరవాక్యం శ్రుత్వా కంసో వసుదేవం ప్రత్యాహ।	17
శ్లో.	వసుదేవ హనిష్యామి కరిష్యా మ్యాత్మనో హితం దేవకీ భగినీమేనాం మృత్యుబీజం మమాప్యహమ్‌॥	18
అథ వసుదేవః కంసం ప్రత్యాహ।

కీర్తన

మంజరీ - కాంభోజి - జంపె
పల్లవి:	హే కంస రాజసుత	హే నరశ్రేష్ఠ॥
అనుపల్లవి:	హే సత్యసంధకుల	జలధిభవరత్న॥
చరణ (1):	హే సౌమ్యగుణయుక్త	హితజనాసక్త
	కల్యాణవేద్యాం చ	కలితబహుభద్రాం
	ముంచ భగినీ మద్య	ముహురధికహృద్యాం
	సత్యం వదామి తవ	సత్యసంధోఽస్మి॥
చరణ (2):	దాస్యామి తజ్జాత	వత్సా ననింద్య
	మా సాహసం కర్తు	మర్హసి సదైవ
	తన భగిన్యైవ సహ	సుఖమధివసామి
	భవనే తవైవ పర	మస్తు శుభ మద్య॥

01.10

గద్య.	అథ వసుదేవవాక్యం శ్రుత్వా కంసస్తౌ కారాగృహం ప్రావేశయత్‌।	19
అథ బ్రహ్మాగమనమ్‌।

కీర్తన

దరువు - నాదనామక్రియ - ఆది
ఆయాతి చతురాస్యో	బ్రహ్మా సదసి
గాయంగాయం ధ్యాయంధ్యాయం	విష్ణుం చేతసి
దండకమండలుధారీ	దానవవైరీ
అండబ్రహ్మాండవిధాతా	అఖిలజనయితా॥

01.11.1

అథ దేవేంద్రాగమనమ్‌।

కీర్తన

దరువు - శ్రీ - ఆది
బృందారకాదివినుతో	మందం మందం మహీసుఖం
అంతరంగే విచింతయ\న్‌	ఇంద్రో మహా\న్‌ విరాజతే॥

01.11.2

అథ ధరణ్యాగమనమ్‌।

కీర్తన

దరువు - మధ్యమావతి - ఆది
లావణ్యమూర్తిర్ధరణీ సమాయాతి	లలితభాసురధారిణీ
సర్వలోకహితకారిణీ సదాదేవీ	సత్యలోకసంచారిణీ॥

01.11.3

శ్లో.	దృష్ట్వా సురేంద్రం బ్రహ్మాణం బ్రహ్మణోఽనుజ్ఞయా సహ బ్రహ్మణా చ సురేంద్రేణ విష్ణుం సా శరణం గతా॥	20
తథాహి।
గద్య.	అథ భగవా\న్‌ - అపరిమితచిదానందసత్యపరిపూర్ణః పరమాత్మా అనాద్యనిర్వచనీయాచింత్యశక్తిః మాయావిలసితలోకానుజిఘృక్షయా పరిగృహీత దివ్యమంగళ విగ్రహ మూర్తిః శ్రీమన్నారాయణః క్షీరాబ్ధౌ శేషపర్యంక శయానో మహానసౌ సదాఽఽస్తే। తమేన మాసురభారభరాక్రాంతా గోరూపధారిణీ ధరణీ సురపతిముఖ సురపరివేష్టితా సతీ అనన్యశరణా శరణమాజగామ।	21
అథ సనకాదీనాం (ఋషీణాం) భగవన్నామమాహాత్మ్యం ఖ్యాపయతామాగమనం గీయతే।
అథ సనకాదయ ఊచుః।

కీర్తన

భైరవి - ఆది
పల్లవి:	రామ కృష్ణ గోవిందేతి	నామసంప్రయోగే॥
అనుపల్లవి:	కామమిహ స్నాతవ్యం	సర్వోత్తమప్రయాగే॥
చరణ (1):	దిగ్దేశకాలానపేక్ష	సిద్ధసర్వసులభే
	సద్గురు కృపాసముద్ర	సంగహేతులాభే॥
చరణ (2):	రామనామ గంగయా	మిళితకృష్ణనామ
	యామునే గోవింద	నామ సరస్వతీప్రథితే॥
చరణ (3):	యోగిమానసపరమ	హంస కులకలితే
	వాగీశవిష్ణురుద్రాది	వాగ్లహరీ లలితే॥
చరణ (4):	సర్వలోకాలోకకామ	సాంగఫలదానే
	నిర్విశేషనిత్యసుఖ	లాభసునిదానే।
చరణ (5):	ఋగ్యజుస్సామాది వేద	శాఖమూలవిశితే
	రాగలోభాది సంతాప	శాంతికరచరితే॥
చరణ (6):	స్నానసంధ్యాజపహోమ	తర్పణానపేక్షితే
	హానివృద్ధ్యాదిరహి	తాఖండసుఖఫలదే॥
చరణ (7):	స్నానం మానసికం తస్య	స్మరణం వాచికం
	కీర్తనం కాయికం తస్య	కీర్తనే సునర్తన॥
చరణ (8):	యాగయోగరాగభోగ	త్యాగసంబంధం వినా
	భక్తివిరక్తివిజ్ఞానద్వారా	ముక్తిఫలదే॥
చరణ (9):	బ్రహ్మవిద్యాలక్షణ	నిరీక్షణవిచక్షణే
	బాధితఘోరసంసార	వారణతత్కారణే॥
చరణ (10):	సర్వపాపౌఘతిమిర	చండసూర్యమండలే
	సాధునారాయణతీర్థ	తీర్థరాజవిమలే॥

01.12

గద్య.

ఏవం సనకాదిభిః ప్రశస్యమానదివ్యనామధేయో భగవా\న్‌
శేషేశయ ఆవిరాసీత్‌। తదేతదభిధీయతే।

కీర్తన

దరువు - శంకరాభరణము - చాపు
అశేషలోకకారణం	అనాదిమధ్య మవ్యయం
సశేషశయనో విభు	ర్విశేషతో విరాజతే
మహాఫణీంద్రశయనో	మహామునీంద్రసేవితో
మహాలక్ష్మీమహియుతో	మహావిష్ణుర్విరాజతే॥

01.13

గద్య.	ఏవం భగవతిప్రసన్నే ప్రణిపాతపూర్వకం మహావిష్ణుం ప్రతి ధరణ్యువాచ।	23
శ్లో.	శరణ ముపగతాఽహం త్వాం శరణ్యం జనానాం నిఖిలభయవియోగం యోగిచింత్యం మహాంతం సురరిపుగణభారం దుస్సహం దుర్భర మ్మే పరిహర పరమాత్మ\న్‌ భక్తిసిద్ధైకమూర్తే॥	24

గానం: శ్రీ ఆకొండి శ్రీనివాస రాజారావు, కాకినాడ.

కీర్తన

సౌరాష్ట్ర - ఆది
పల్లవి:	శరణం భవ కరుణాం మయి	కురు దీనదయాళో
	కరుణారసవరుణాలయ	కరిరాజకృపాళో॥
అనుపల్లవి:	అధునా ఖలు విధినా మయి	సుధియా సురభరితం
	మధుసూదన మధుసూదన	హర మామకదురితమ్‌॥
చరణ (1):	వరనూపురధర సుందర	కరశోభితవలయ
	సురభూసురభయవారక	ధరణిధర కృపయా
	త్వరయా హర భర మీశ్వర	సురవర్య మదీయం
	మధుసూదన మధుసూదన	హర మామకదురితమ్‌॥
చరణ (2):	ఘృణిమండలమణికుండల	ఫణిమండలశయన
	అణిమాదిసుగుణభూషణ	మణిమంటపసదన
	వినతాసుతఘనవాహన	మునిమానసభవన
	మధుసూదన మధుసూదన	హర మామకదురితమ్‌॥
చరణ (3):	అరిభీకర హలిసోదర	పరిపూర్ణసుఖాబ్ధే
	నరకాంతక నరపాలక	పరిపాలితజలధే
	హరిసేవక శివనారా	యణతీర్థపరాత్మ\న్‌
	మధుసూదన మధుసూదన	హర మామకదురితమ్‌॥

01.14

శ్లో.	ఇతి వివిధవచోభిః ప్రార్థయంత్యాం ధరణ్యా మఖిలభువనమిత్రం శత్రుహంతార మీశం విధిముఖసురవర్యాస్తుష్టువుర్విష్ణు మాద్యం నిఖిలనిగమవేద్యం స్వార్థసంసిద్ధి హేతుమ్‌॥	25
శ్లో.	క్షీరాబ్ధిమధ్యభుజగేంద్రమహాసనాయ దేవాయ నాభికమలోదితపద్మజాయ యోగీంద్ర భావ్యగగనామలనిత్యబోధ భూమాభిధాయ పురుషాయ నమః పరస్త్మై॥	26

కీర్తన

శంకరాభరణము(ఆనందభైరవి) - త్రిపుట
పల్లవి:	నారాయణాయ నమో మాధవాయ॥
అనుపల్లవి:	నాగేంద్రశయనాయ	నందితాఖిలలోకాయ॥
చరణ (1):	నాభికమలజనితవిధిముఖాయ-నూతనజలధరాభాయ
	నానాచరాచరనారీనరరూపాయ
	నారదాదిమునివర్యవందితఘనమాయాయ॥
చరణ (2):	అగణితగుణగణాయ ఆగమగేయాయ-విగళితభయశోకాయ
	గగననిర్మలబోధగంభీరభావాయ
	భగవద్భక్తహృదయపద్మభానురూపాయ॥
చరణ (3):	కరధృతరథచరణకంబుపంకజ-కౌమోదకీశార్ఙ్గాయ
	నిరవద్యగళశోభినిజకౌస్తుభభూషాయ
	పరిహృతపరపక్ష పక్షిరాజవాహాయ॥
చరణ (4):	జగదేకనాథాయ జాతమదనాయ-జితవైరిమండలాయ
	నిగమనిశ్శ్వాసాయ నిత్యానందరూపాయ
	నిరుపమగోకులనీతనవనీతాయ॥
చరణ (5):	ఆమయాదివిరహితాయాఖిలమాయాయ-కామకోటిసుందరాయ
	నామరూపరహితాయ భూమస్వరూపాయ
	సోమసూర్యనయనాయ సామగానగేయాయ॥
చరణ (6):	వారిజలోచనాయ వాసుదేవాయ-వరమునిపారిజాతాయ
	కరుణాకర భక్తకారుణ్యసారాయ
	నారాయణతీర్థనత చరణాబ్జాయ॥

01.15

శ్లో.	ఇతిస్తుత్వా జగన్నాథం కృతాంజలిపుటాస్సురాః ముహుర్ముహుర్నమంతస్తమూచుశ్చాత్మహితం వచః॥	27
శ్లో.	భగవా నపి తా నాహ భక్తినమ్రా నసౌ సురా\న్‌ అవతీర్య యదోర్వంశే కరిష్యామి హితం తు వః॥	28
గద్య.	ఇత్యేవం భగవతో వాసుదేవస్య వదనసుధానిధిగళితాం స్ఫుటతరపదరసమనోహరాం వచనసుధాధారాం సురభూసురబలాధారాం శ్రవణాంజలిపుటైః పాయంపాయం శనైః శనైః స్వస్వభవనాభిముఖాః తచ్చరణస్మరణచంద్రికాపనోదిత శోకమోహానలాంధకారాః చతురాననాదయస్సర్వేగీర్వాణాః కరతలకలితకపిత్థోపమం స్వకార్యం మన్వానాస్సంపూర్ణమనోరథాః స్వస్వభవనమావివిశుః।	29
శ్లో.	దదౌ కంసాయ దేవక్యాశ్శిశుం ప్రథమజం నృపః అష్టమ స రిపుం మత్వా దదౌ కంసః పునశ్శిశుమ్‌॥	30
శ్లో.	తద్వృత్తం నారదో జ్ఞాత్వా త్వరయా కంసమందిరమ్‌ సమాగతో నిమిత్తజ్ఞశ్శిశూనాం నిధనం ప్రతి॥	31

కీర్తన

దరువు - పంతువరాళి - రూపక
నారాయణ నారాయణ	నారాయణేతి సతతం
వారం వారం గాయ\న్‌ భక్త్యా	నారదోఽయం విరాజతే॥

01.16

అథ కంసప్రతి నారదవచనమ్‌।
శ్లో.	అష్టానా మష్టమత్వే తు న విశేషోస్తి కశ్చన ఉపేక్షసే కథం మూఢ యత్కర్తవ్యం కురుష్వ తత్‌॥	32
శ్లో.	ఏవముక్తో నారదేన షట్సుతాననధీత్ఖలః సంకర్షణస్తు రోహిణ్యామానీతో యోగమాయయా॥	33
అథ భగవదావిర్భావః।

కీర్తన

దరువు - మధ్యమావతి - ఆది
శంఖీ చక్రీ గదీ పద్మీ	శార్ఙ్గీ కిరీటకుండలీ
శ్రీవత్సకౌస్తుభీ దివ్య	పీతాంబరో విరాజతే॥

01.17

శ్లో.	హరిరథ నిజశక్త్యా మూర్తి మాస్థాయ దేవః ప్రకటితనిజరూపః ప్రాదురాసీన్ముకుందః యదుకులవరగేహే దేవకీగర్భవాసా దుదిత మమరబృందం దేవ మస్తౌ దనంతమ్‌॥	34
శ్లో.	కల్యాణం వితనోతు కౌస్తుభమణిం కంఠే దధానశ్శిశుః కల్యాణీ మపి మే కరోతు శుభదాం వాణీం ప్రవీణాం ధియం దేవక్యా వసుదేవయాదవపతే శ్శంఖీ రథామ్గీ గదీ పద్మీ నందక శార్ఙ్గచాపమకుటీ పీతాంబరః కుండలీ॥	35

కీర్తన

కల్యాణి - ఆది
పల్లవి:	జయజయ శ్రీనివాస	జయ జీమూతాభ॥ జయ జయ
అనుపల్లవి:	భయకారణవినాశ	భక్తమానసనివాస॥
చరణ (1):	కమలదళనయన	కనకమయవసన
	రమణీయచంద్రానన	రంజితభువన
	కమలావల్లభ దీన	కామితఫలనిదాన
	కామకోటిసమ	మోహన
	మంజులకంజవదన	మోహామోహమథన
	మంగళఫలదాన	మౌనీంద్రబృందాధీన॥
చరణ (2):	సుందర చరణార	వింద మణినూపుర
	మంజులముక్తాహార	మందరధర
	కుందరదన సుర	వందిత మనోహర
	చంద్రికాసమస్మేర	బాల
	నీరదఘననీల పారా	వారవిహార పరి
	పాలిత భూరాది	లోకనికర॥
చరణ (3):	విపులపుండరీకాక్ష	విశ్వసంత్రాణదక్ష
	అపహృతాసురపక్ష	ఆర్తసంరక్ష
	తాపసజనరక్ష	తారణాధ్వరదీక్ష
	ఆపదుద్ధార	కటాక్ష
	అశేషదుష్టశిక్ష	నానానిగమలక్ష
	నారాయణతీర్థ	శ్రీగోకులసంరక్ష॥

01.18

శ్లో.

దేవక్యాశ్శిశుభావమేత్య భగవా\న్‌ నారాయణః శ్రీపతిః
సర్వజ్ఞానమహావిభూతిసహితస్సత్ప్రార్థనైః కర్మభిః
ఆదిత్యేందుసహస్రకోటిసదృశా భాసా గృహం భాసయ\న్‌
పిత్రోస్స్నేహసుధామహోదధిశశాంకోఽయంహరిర్గీయతే॥

కీర్తన

కేదారగౌళ - ఆది
పల్లవి:	మంగళాలయ మా మవ దేవ	పంకజాసనభావితభావ॥
చరణ (1):	దేవకీవసుదేవతనూజ	దివ్యకిరీట దళితభవబీజ
	సర్వయోగివిచింత్యపదాబ్జ	సంగతాఖిలసాధుసమాజ॥
చరణ (2):	అపరిమితానందబోధస్వరూప	అతికరుణాకరధృతచాప
	కపటదైత్యహర ఖండితపాప	కనకాంబరధర కలితకలాప॥
చరణ (3):	మకరకుండలకేయూరవిభూష	మనసిజశతకోటిమంజులవేష
	వికచకమలసన్నిభవిపులాక్ష	విమలహృదయగోపాలకరక్ష॥
చరణ (4):	కలితశ్రీకౌస్తుభకమనీయకంఠ	కరుణారసభరమిళితవైకుంఠ
	పరిపాలయభువి భాగ్యవితరణ	గురుభక్తనారాయణతీర్థశరణ॥

01.19

శ్లో.	అలౌకిక మిదం రూప మాలోక్యానకదుందుభిః హరేస్సభార్యః ప్రోవాచ కంసాద్భీతస్త్వధీరధీః॥	37
శ్లో.	సర్వాధార రమాపతేఽథ భవతాతచ్చింతనీయం విభో యత్కర్తవ్య మశేషశేషవిభునా బ్రహ్మణ్యరక్షావిధౌ ఏవం రూప మమానుషం మునివరధ్యేయం సమాచ్ఛాదయ స్వామి\న్‌ మానుషబాలభావ మధునాసందర్శయాస్మా\న్‌ ప్రతి॥	38

కీర్తన

ముఖారి - ఆట
పల్లవి:	రక్ష రక్షాసురశిక్ష	రాజీవదళాయతాక్ష॥
అనుపల్లవి:	అక్షీణకృపాకటాక్ష	అశ్రితపక్షసంరక్ష॥
చరణ (1):	సర్వమనోరథాధ్యక్ష	సర్వలోకావనదక్ష
	సర్వవేదాంతైకలక్ష	సర్వయోగీంద్రసంరక్ష॥
చరణ (2):	అప్రమేయబలవీర్య	అనుపమమహౌదార్య
	అపరిమితగాంభీర్య	అవ్యయాఖండితైశ్వర్య॥
చరణ (3):	అచ్యుతానంత గోవింద	పంకజసుందరానన
	విచ్యుతసంసారకంద	పండితపరిపాలన॥
చరణ (4):	పతితజనపావన	అత్యంతనిర్మలానంద
	పతగపతివాహన	విశ్వమంగళ ముకుంద॥
చరణ (5):	తావకరూపముదారం	ధారయ శాంతసంసారం
	దర్శయ మానుషాకారం	దేవ బాలకశరీరం॥
చరణ (6):	చింతయాథ యద్విధేయం	చేతసా చిరమనుభావ్య
	అంతరాయో మాభూదద్య	ఆగమబృందసంవేద్య॥
చరణ (7):	ఆద్యమే జన్మసాఫల్యం	ఆద్యమే వంశనైర్మల్యం
	సద్య ఏవ సమజని	సంభూతే త్వయి భూమని॥
చరణ (8):	కలికల్మషనాశనం	కామితఫలనిదానం
	నారాయణీయచరితం	నారాయణతీర్థగీతం॥

01.20

శ్లో.

ఇతి నిగదతి తస్మి\న్‌ యాదవేంద్రే సభార్యే
భవభయతిమిరారిర్దేవకీభాగధేయం
సకలనిగమగుహ్యం దర్శయ\న్‌ స్వీయభావం
పరమకరుణయా తౌ సాంత్వయన్నేతదాహ॥

కీర్తన

పూరీకల్యాణి(సావేరి) - ఆది
పల్లవి:	అవధారయ మా మీశ్వరం దేవాదిదేవమ్‌॥	అవధా
అనుపల్లవి:	తవ తాత తపసా సంతోషితోఽహం
	తావక తనయాత్మనావనౌ సమవతీర్ణాఖిలసారమ్‌॥
చరణ (1):	ఆగమాంతైకమానస మనన్యభావం
	అగణితలోకనాయకం
	విగళితమోహమేకం విమలయోగితారకం
	గగనాకారకమేకం గతాగతనివారకమ్‌॥
చరణ (2):	మధురాపురం సమానయ మామకయోగ
	మాయా మిహ నిధాపయ
	అథ గోకులే నయ మాఽనవద్యనందాలయం
	విధినా కృతనిలయం వివిధయోగిసుగేయమ్‌॥
చరణ (3):	సంకర్షణాఖ్యమవ్యయం సాధువిధేయం
	సంభూతమాశ్రితాభయం
	శృంగారాదినిలయం శ్రీరామనామధేయం
	సంగతం మత్సహాయం సర్వలోకాభ్యుదయమ్‌॥
చరణ (4):	సురవైరిభూరిసంకులం ధరణీతలమిద మ
	సురహరణోద్యమం
	పరిభావయ మామితి పరమాత్మగీత మిహ
	వరనారాయణతీర్థవిరచితమేతదితి॥

01.21

శ్లో.	సుప్తేషు కంసదూతేషు ద్వారేషూద్ఘాటితేషు చ మదాజ్ఞయా యమునయా దత్తమార్గేణ మాం నయ॥	40
శ్లో.	ఇతి కథితవ తీశ్వరే తథైవ ప్రణయవశా దకరోద్యదుప్రవీరః సుఖమధివసతిస్మ గోకులాఖ్యం హరిరఖిలాంతరచిత్ప్రభోఽపి మాయీ॥	41
అథ మధురాయాం య ద్వృత్తం త దుపవర్ణ్యతే।
గద్య.	స ఖలు నరపతే రుగ్రసేన స్యాగ్రిమసూనుః సమధిగతాసురప్రకృతికః కంసాసురనామా అవినయదుర్విభావ్యగర్వమదాంధకారపరిభూతవివేకదర్శనః పరిహృతకాలనేమికళేబరోఽప్యపరిహృతతద్వాసనాజాలపరివేష్టితః నిజపరిజనైస్సత్వర మవబోధితపస్సన్‌ అతిమందగతి రప్యమందగతిః దేవక్యా స్త్వష్టమో గర్భః కంసమృత్యు రిత్యశరీరవాక్యం శ్రుత మనుసంధానో వేపనో వసుదేవమందిర మిందిరా సుందరమాజగామ।	42
శ్లో.	భాగినేయీ మసౌ దృష్ట్వా దుష్టాత్మా తత్ర మందిరే గృహీత్వా పాద మేతస్యాః క్షేప్తుం భూమౌ మనో దధే॥	43
శ్లో.	సదా సంతాడ్య కంసం సా యోగమాయా సుదుర్ణయమ్‌ అంతరిక్షం గతా విష్ణో ర్దుర్గా భూత్వా స్తుతాఽమరైః॥	44
శ్లో.	దుర్గే దుర్గతిహారిణి త్రిజగతాం సర్గాదిసిద్ధార్థకే స్వర్గాదీష్టఫలప్రదాననిపుణే త్రాయస్వ న శ్శంకరి సా త్వం సర్వజనాంతరాంతరచిదంశానన్యసిద్ధాత్మికా సారాసారవివేకదృష్టివిదితా సర్వైకసాక్ష్యాత్మనా॥	45

కీర్తన

ఆహిరి(కాంభోజి) - చాపు(ఆట)
పల్లవి:	జయ జయ దుర్గే జితవైరివర్గే॥
అనుపల్లవి:	వియదనిలాది విచిత్రసర్గే॥
చరణ (1):	సుందరతరచరణారవిందే
	సుఖపరిపాలితలోకబృందే
	నందసునందాదియోగివంద్యే
	నారాయణసోదరి పరానందే॥
చరణ (2):	సరసమణినూపురసంగతపాదే
	సమధిగతాఖిలసాంగవేదే
	నరకిన్నరవరసురబహుగీతే
	నందనుతే నిఖిలానందభరితే॥
చరణ (3):	కనకపటావృతఘనతరజఘనే
	కల్యాణదాయిని కమనీయవదనే
	ఇనకోటిసంకాశదివ్యాభరణే
	ఇష్టజనాభీష్టదాననిపుణే॥
చరణ (4):	అనుదయలయసచ్చిదానందలతికే
	ఆలోలమణిమయతాటంకధనికే
	నానారూపాది కార్యసాధనికే
	నారాయణతీర్థభావితఫలకే॥

01.22

శ్లో.	ఇత్యాదిగీర్భి ర్గీర్వాణగణైర్గీతా ప్రసాద్య తాం సా వైష్ణవీతి విఖ్యాతా త్రిషు లోకేషు పూజ్యతే॥	46
శ్లో.	దురంతచింతాగ్రాహేణ గ్రస్తోఽయం కంసకుంజరః అలబ్ధశరణోఽస్వస్థ స్సదనం స్వీయమాగతః॥	47
ఇతి శివరామానందతీర్థపాదసేవక శ్రీనారాయణతీర్థ విరచితాయాం శ్రీకృష్ణలీలాతరంగిణ్యాం శ్రీకృష్ణప్రాదుర్భావవర్ణనం నామ ప్రథమతరంగ స్సమాప్తః॥