| ద్వితీయ తరంగం (శ్రీకృష్ణబాలలీలా వర్ణనం) |
| శ్లో. |
నందగోపశ్చ గోపశ్చ యశోదారోహిణీసుతౌ
రామకృష్ణౌ తయో స్సమ్యగ్లాలనం రామకృష్ణయోః॥ |
1 |
| శ్లో. |
గర్గాచార్యాభిగమనం తయోర్నామకృతిస్తతః
పూతనాశకటాదీనాం మర్దనం తదనంతరమ్॥ |
2 |
| శ్లో. |
నవనీతాదిచౌర్యం చ యశోదాయై నివేదనం
యశోదయా కృతం కృష్ణస్యాహ్వానం ప్రణయాన్ముహుః॥ |
3 |
| శ్లో. |
ఉలూఖలే దామబంధో యమళార్జునభంజనం
యక్షాభ్యాం చ కృతం స్తోత్రం విశ్వరూప ప్రదర్శనమ్॥ |
4 |
| శ్లో. |
యశోదయా కృతం స్తోత్రం బాలభావప్రదర్శనం
ఇత్యేవ బాలలీలాయాః కథాసంగ్రహ ఈరితః॥ |
5 |
| నందస్యాగమనమ్। |
| కీర్తన |
| భైరవి - ఆది |
| గోపైరనుగతో నిత్యం - గోబృందాని విచారయ\న్ |
| గోపాలకస్వామీ నంద - గోపో మహా\న్ విరాజతే॥ |
|
02.01 |
| కీర్తన |
| మధ్యమావతి - ఆది |
| వల్లవయువతికదంబం ఆయాతి - వర మరుణాధరబింబం |
| శృంగారవిలసితపృథులనితంబం - విఖ్యాత వివిధ విలాస విడంబం |
| కరధృతదధిదుగ్ధ - కమనీయఫలజాత |
| నిరుపమ సంతోష - నీలకుంతలమిహ॥ |
|
02.02 |
| శ్లో. |
పరం పరస్మా దపిపాఙ్క్తకర్మ
క్రమేణ వేద్యం కరణైరవేద్యం
నిజేచ్ఛయా ప్రాప్తమనుష్యవేషం
సుతం యశోదా సుఖమాప దృష్ట్వా॥ |
6 |
| శ్లో. |
ప్రభాతే గోకులే నందగేహే గోకులవాసినః
ఆవిర్భావం హరేశ్శ్రుత్వా వివిశుర్నంద మందిరమ్॥ |
7 |
| గద్య. |
అవతీర్ణే భగవతి గోకుల భూమి భాగే తత్రత్య చందన
మందార నాగ పున్నాగ చంపకాశోక పనస రసాల
ప్రముఖాః కుసుమ ఫల సంపదో దివ్య సౌగంధ గంధిత
దిఙ్మండలాః విగళిత మాధ్వీ ఝరీ సంచరన్మత్త
మధువ్రత ఝంకారాలంకార రమణీయ కుసుమ ఫల
భారానతశాఖాభిః అవనీగతాభిః అత్యంత భక్తినమ్రా
ఇవ భగవతో వాసుదేవస్య సాష్టాంగ లక్షణం
ప్రణామం కుర్వాణ్యా తత్రత్య మాధవీ జాతీ మల్లికాది
లతాః సంతత మంద పవన స్పందన విగళిత కుసుమ
భారైః అవతీర్ణస్య శ్రీభగవతో నారాయణస్య పరమ
ప్రేమ లక్షణాం భక్తిమాతన్వంతః పుష్పాంజలిం
సమర్పయంత్య ఇవ స్వకీయ ప్రార్థనయా సుర భూసుర
కార్యార్థం క్షీర మహోదధేః గోకుల మవతీర్ణస్య
శ్రీనివాసస్య సంతోషాయాంతరానీత క్షీరసాగర
పయోధరా ధరేయం అసంఖ్యాత గోరూపధరేతి
సాధుభిరుత్ప్రేక్షితా గావః ఖగ మృగ నారీ నరాదయః
సర్వే చ జనాః సంప్రాప్త స్వస్వసంపదో బభూవుః॥ |
8 |
| శ్లో. |
అన్యోన్యం వ్రజనార్యో నందస్యాంతఃపురే శిశుం దృష్ట్వా
ఇతి జగు రావిర్భూతం లక్షణతస్తద్ధి వైష్ణవం తేజః॥ |
9 |
| కీర్తన |
| కాంభోజి - ఆది |
| పల్లవి: | శ్రీపతి మిహనందగోపగృహే పర॥ |
| అనుపల్లవి: | మాగత మాకలయే - అయే సఖి - ఆగత మాకలయే॥ |
| చరణ (1): | పరమపురుషచిహ్నం భద్రద మవధారయ |
| | పద్మాంకుశాదిరేఖం - అయే సఖి - పద్మాంకుశాదిరేఖం |
| | పరిపూర్ణభావం ప్రకటీకరోతి దివ్య |
| | పాణిపదాబ్జగతం జగదార్తిహరమమోఘం॥ |
| చరణ (2): | పశ్య పశ్యాధునా పాదపబృందాని |
| | విశ్వస్య మే వచనం - అయే సఖి - విశ్వస్య మే వచనం |
| | భృశ మివ భూమౌ దిశిదిశి సఫలాని |
| | భవ్యసుగంధికుసుమై రతినిబిడాని జాయంతే॥ |
| చరణ (3): | అరవిందలోచనే ఆవిర్భవతి జగ |
| | దతితరామిహ రమతే - అయే సఖి - అతితరా మిహ రమతే |
| | నిరుపమానందనిత్యబోధస్వరూపం |
| | పర మనుగీత మిదం నారాయణతీర్థయతినా॥ |
|
02.03 |
| శ్లో. |
కరిష్యామ శ్శిశోరస్య మంగళాచరణం వయం
స్మరిష్యామ పరం దైవం లక్ష్మీనారాయణం ముదా॥ |
10 |
గానం: శ్రీ ఆకొండి శ్రీనివాస రాజారావు, కాకినాడ.
| కీర్తన |
| కేదారగౌళ - ఆది |
| పల్లవి: | కలయ కల్యాణాని | నారాయణ॥ |
| అనుపల్లవి: | బలభద్రావరజాయ | నారాయణ॥ |
| చరణ (1): | సరసిజనయనాయ | సకలలోకహితాయ |
| | నరలోకసంభవాయ | నారాయణ |
| | శరదిందు వదనాయ | శతమన్మథసమాయ |
| | నిరవధికగుణాయ | నారాయణ॥ |
| చరణ (2): | నందగోపసుతాయ | నగరాజధీరాయ |
| | సుందరచరణాయ | నారాయణ |
| | ఇందిరామందిరాయ | ఈప్సితఫలదాయ |
| | చందనాదిగంధితాయ | నారాయణ॥ |
| చరణ (3): | గురుతరకరుణాయ | గోకులభూషణాయ |
| | పరిజనపాలనాయ | నారాయణ |
| | నిరుపమసుందరాయ | నీలమేఘనిభాయ |
| | పరమపురుషలక్షణాయ | నారాయణ॥ |
| చరణ (4): | నవపల్లవకరాయ | నవమణిభూషణాయ |
| | కవిజననాయకాయ | నారాయణ |
| | అవనీవల్లభాయ | ఆశ్రితవత్సలాయ |
| | శివనారాయణతీర్థ | సంసేవితాయ॥ |
|
02.04 |
| గద్య. |
ఇత్యేవం గోకులపుర వరనార్యః వాసుదేవ మశేషజగతామాది
కర్తారం నారాయణమవతీర్ణమజానంత్యః విష్ణుమాయా విమోహితాః
మానుషశిశు మివ మత్వా తస్యాయు రారోగ్యైశ్వర్యాభివృద్ధయే
కృతస్వస్త్యయనాః తతోన్యమివ నారాయణం ప్రార్థయామాసుః।
ప్రాగేవ వాసుదేవ స్సంకర్షణాఖ్యో రౌహిణేయో గోపీభి
స్సంవర్ధిత స్తత్రవిహరతిస్మ॥ |
11 |
| అథ గర్గాచార్యాగమనమ్। |
| కీర్తన |
| మధ్యమావతి - ఆది |
| నిర్గతమోహతిమిరో | నిర్మలమానసో నిత్యం |
| స్వర్గాపవర్గాధికారే | గర్గాచార్యో విరాజతే॥ |
|
02.05 |
| గద్య. |
గర్గోపి నిర్గత మోహ తిమిర పటలో దివ్య దృష్టి స్తయో
ర్బలభద్ర కృష్ణనామనీ నందేన కిల కారయామాస॥ |
12 |
| శ్లో. |
కంసేన ప్రేరితా కాచిత్పూతనా శిశుఘాతినీ
కృష్ణం స్తనంధయం మత్వా తస్మై స్తన్యవిషం దదౌ॥ |
13 |
| శ్లో. |
తద్భావం సర్వవిద్ జ్ఞాత్వా స్తన్యపానమిషేణ తాం
జఘాన సా పతద్భూమౌ దర్శయంత్యాసురీం తనుమ్॥ |
14 |
| శ్లో. |
తతో దృష్ట్వా జగన్నాథం గోపబాల మివ స్థితం
చక్రుస్స్వస్త్యయనం తస్య గోపగోప్యోఽపి తం జగుః॥ |
15 |
గానం: శ్రీ ఆకొండి శ్రీనివాస రాజారావు, కాకినాడ.
| కీర్తన |
| నాదనామక్రియ - జంపె |
| పల్లవి: | మంగళాని తనోతు మధుసూదన స్సదా |
| | గంగాధరోఽపి తవ సాపి గంగా॥ |
| అనుపల్లవి: | శృంగారవారిధే శ్రీవత్సకౌస్తుభా |
| | లంకార శిశు భయవిభంగ॥ |
| చరణ (1): | అస్తు తే భద్రమిహ దుస్తరభవాంభోధి |
| | విస్తరభయాపహార వస్తుసుఖద |
| | కస్తూరికాతిలకవిస్తీర్ణఫాల జగ |
| | దస్తితాపాదక సదాస్తరహిత॥ |
| చరణ (2): | అక్షీణసంపదిహ రక్షతు ధరేయ మథ |
| | శిక్షతు హరిస్తవ విపక్షనిచయం |
| | దక్షిణామూర్తి రపి దాక్షిణ్య మావహతు |
| | వీక్షతాం త్వాం సకలసాక్షీ సదయమ్॥ |
| చరణ (3): | దుర్గాణి వారయతు దుర్గా సరస్వతీ |
| | భర్గోఽపి భర్జయతు పాపవర్గం |
| | సర్గాదిసకలసంసర్గసాధక మిహ |
| | మార్గస్సదాఽవతు తవాపవర్గమ్॥ |
| చరణ (4): | పరిపూర్ణ బోధరస పరిపంథిహర సరస |
| | నిరవధికసంపదం దిశతు భూమా |
| | విరచిత మిదంతు శివనారాయణానంద |
| | తీర్థేనపరమపురుషార్థ ఫలినా॥ |
|
02.06 |
| గద్య. |
సా ఖలు నందగోపమహిషీ యశోదాఖ్యా సకలలోకాధార
మనాధార మపరిమిత మహిమాన మ ప్యాత్తమహిమాన
మవకల్ప్య స్వాంకమారోప్య విద్యుత్పుంజమధ్యాభివ్యక్త
నూతనజలధరవద్విద్యోతమానం శ్రీకృష్ణం కరకమలాభ్యాం
ముఖాభిమర్శనం కృత్వా భూతితిలకకరణాదినా ప్యాశీర్భి
స్సంవర్ధయామాస॥ |
16 |
| శ్లో. |
నిహతే శకటే పద్భ్యాం తృణావర్తే చ మర్దితే
కృష్ణేన విష్ణునా సోఽయం స్వస్థః క్రీడతి బాలవత్॥ |
17 |
| గద్య. |
అథ జానుచరాభ్యాం రామకృష్ణాభ్యాం సహ
యశోదాయా ఆగమనం గీయతే। |
18 |
| కీర్తన |
| ద్విజావంతి - ఆది |
| నందగేహినీ | మందగామినీ |
| సుందరాననా యశోదా | సురమోహినీ |
| వందితామరీ | నీలకబరీ మందం |
| మందమాయాతి | మధురభాషిణీ |
| లోకనాయకం | యోగితారకం |
| బాలక మథ యాతి | భగవంతం కృష్ణం |
| అంబుజాననం | అబ్జలోచనం |
| కంబువర్ణమపి శ్రీ | రామనామానం॥ |
|
02.07 |
| అథ యశోదా సుతమాహ। |
| ద్వి. |
| సకలలోకాధార | సచ్చిదాకార |
| ప్రకటితాగమజాల | పద్మావిలోల |
| అగణితగుణగ్రామ | ఆత్మాభిరామ |
| మృగమదాంకితఫాల | మిత్రానుకూల |
| ఖగరాజవాహ ని | ర్గతభవమోహ |
| నగరాజవరధీర | నానావిహార |
| వికచవారిజనేత్ర | విస్ఫురద్గాత్ర |
| శకలితాసురజాల | శాంత్యేకమూల |
| భగవ న్భయాపహర | భక్తమందార |
| నిగమశీర్షారామ | నిత్యాప్తకామ |
| సకలసన్నుతగుణ | సాధుసంత్రాణ |
| మకరధ్వజాకార | మంజుళహార |
| కలితకౌస్తుభశోభ | కాలమేఘాభ |
| బలభద్రకృతఖేల | బాలగోపాల |
| మదనగోపాల స\న్ | మానితశీల |
| ముద మేహి దేహి సుత | మునిబృందవంద్య |
| సారసాక్ష ముకుంద | సచ్చితానంద |
| ధీరనారాయణ | తీర్థసుగీత॥ |
| |
| శ్లో. |
జానుభ్యాం పాణిపద్మాభ్యాం వ్రజంతం నందనందనం
ఆనందయంత మబలాస్సబలం పరమం జగుః॥ |
19 |
| కీర్తన |
| మోహన(నవరోజ్) చాపు |
| పల్లవి: | మాధవ మాధవ కృష్ణ | మంగళాలయ శ్రీకృష్ణ॥ |
| అనుపల్లవి: | సాధకఫలద కృష్ణ | సబల శ్రీకృష్ణ॥ |
| చరణ (1): | నందనందన ముకుంద | సుందరముఖారవింద |
| | నందితగోపికాబృంద | నతజనానంద |
| | ఇందిరాహృదయానంద | ఇందువదన గోవింద |
| | మందరధర సునంద | వంద్య సానంద॥ |
| చరణ (2): | దివ్యకస్తూరీతిలక | దీనజన పరిపాలక |
| | భవ్యయోగిభయవారక | భక్తోద్ధారక |
| | అవ్యయభూతిదాయక | అగణితలోకనాయక |
| | నవనవనీతరసిక | నందబాలక॥ |
| చరణ (3): | చారునూపుర కోమల | చరణ బాలచాపల |
| | సరససద్గుణజాల | సంగీతలోల |
| | నీరదనీల నిర్మల | నిత్యశుద్ధాగమమూల |
| | నారాయణతీర్థపాల | నతజనాలోల॥ |
|
02.08 |
| శ్లో. |
ఇతస్తతస్సంచరంతం జగన్మోహనవిగ్రహం
కరాభ్యా మథ జానుభ్యాం లాలయంతి వ్రజాంగనాః॥ |
20 |
| కీర్తన |
| యదుకులకాంభోజి - ఆది |
| పల్లవి: | ఏహి ముదం | దేహి శ్రీ కృష్ణ కృష్ణ |
| | పాహి గో | పాలబాల కృష్ణ కృష్ణ |
| చరణ (1): | నందగోప | నందన శ్రీ కృష్ణ కృష్ణ యదు |
| | నందన | భక్త చందన కృష్ణ కృష్ణ |
| చరణ (2): | కలభగతిం | దర్శయ శ్రీ కృష్ణ కృష్ణ తవ |
| | కర్ణౌ | చలయశ్రీ కృష్ణ కృష్ణ |
| చరణ (3): | ధావ ధావ | మాధవ శ్రీ కృష్ణ కృష్ణ నవ్య |
| | నవనీత | మాహర శ్రీ కృష్ణ కృష్ణ |
| చరణ (4): | విక్రమబలం | దర్శయ శ్రీ కృష్ణ కృష్ణ విధి |
| | శక్రాది | సన్నుత శ్రీ కృష్ణ కృష్ణ |
| చరణ (5): | భవ్యనట | నం కురు శ్రీ కృష్ణ కృష్ణ బల |
| | భద్రస | హోదర శ్రీ కృష్ణ కృష్ణ |
| చరణ (6): | చంచలమణి | కుండల శ్రీ కృష్ణ కృష్ణ చారు |
| | చంపకనాసా | మౌక్తిక శ్రీ కృష్ణ కృష్ణ |
| చరణ (7): | కుంకుమపం | కిలదేహ శ్రీ కృష్ణ కృష్ణ భక్త |
| | శంకర | చరణ శ్రీ కృష్ణ కృష్ణ |
| చరణ (8): | సాధుసాధు | కృత మిహ శ్రీ కృష్ణ కృష్ణ లోక |
| | సాధక | హితాయ శ్రీ కృష్ణ కృష్ణ |
| చరణ (9): | నారదాది | మునిగేయ శ్రీ కృష్ణ కృష్ణ శివ |
| | నారాయణ | తీర్థవరద కృష్ణ కృష్ణ |
|
02.09 |
| శ్లో. |
విన్యస్యైకం భువి భువనభృత్పాద మేకం చ హస్తం
మాత్రా చానుప్రణిహిత మథ స్వాదు హైయంగవీనం
హస్తే గృహ్ణ\న్ సకలజగతాం సారభోక్తాఽహ మాత్మే
త్యాచక్షాణో విహరతి జగన్మోహనో నందసూను॥ |
21 |
| గద్య. |
తథావిధమిహ గోపరమణీచిత్తమత్తమాతంగమహనీయాలా
నభూతం శ్రీకృష్ణం నందగోపమహిషీ స్వసుతమివ
లాలయం తీద మాహ॥ |
22 |
గానం: శ్రీ ఆకొండి శ్రీనివాస రాజారావు, కాకినాడ.
| కీర్తన |
| ఆనందభైరవి (తోడి) చాపు (ఆది) |
| పల్లవి: | ఏహి ముదం మమ దేహి జగ | న్మోహన కృష్ణ మాం పాహి॥ |
| అనుపల్లవి: | ఏహిసమాహితదీనజనావన | మోహరహితమునిముక్తివితరణ॥ |
| చరణ (1): | కమనీయ కౌస్తుభ | కర కలితనవనీత ఘనాభ |
| | సముదితగోకులకలభ | సర్వసహమాన యతివర్యసులభ |
| | అమరేంద్రవల్లభ అసురసుదుర్లభ | విమతమదవిభంగవీరపద్మనాభ॥ |
| చరణ (2): | చరణజానుకరైరలంతే | బహు సంచరణేన గోపాల |
| | కరధృతనవనీతకబళం | తవ కర్దమంమాకురు విమలం |
| | పరిపూర్ణ నిజకామ పాతకగణభీమ | వరనూపురాభరణ వసుధాభరణ॥ |
| చరణ (3): | కంకణకేయూరభూష కనక | కింకిణీకృత బహుఘోష |
| | కుంకుమపంకిలవేష కుటిల | కుంతల గోకులభూష |
| | కింకరహితకర కీర్తిసుధాకర | మంగళకర నారాయణతీర్థతోష॥ |
|
02.10 |
| శ్లో. |
లాలయంతీ యశోదా సా నందస్య మహిషీ సుతం
చరంతం కర్దమభువి త్వరయా జగృహే హరిమ్॥ |
23 |
| గద్య. |
అయం హి పరమాత్మా పరమప్రేమాస్పదతయా పరమానంద ఘనః
స్వభక్తానుగ్రహచికీర్షయా స్వేచ్ఛయాప్రాప్తగోపబాలకవిగ్రహః
శనైశ్శనైః గోపబాలై స్సహ పద్భ్యా మేవ సంచర\న్
అనంతకల్యాణగుణరత్న లీలాకల్లోలాస్పదతయా అత్యంత సౌందర్య
రసజలనిధి రపార కరుణాసుధానిధి రిహ జయతి భగవా\న్
నందకుమారః। తస్య నవనీతచౌర్యాది లీలాసక్తస్య సబలస్య
చోరశిఖామణేః ఆగమనం గీయతే। |
24 |
| కీర్తన |
| ముఖారి - ఆది |
| పల్లవి: | కృష్ణం కలయ సఖి | సుందరం - బాల॥ |
| అనుపల్లవి: | కృష్ణం గతవిషయ | తృష్ణం జగత్ప్రభ |
| | విష్ణుం సురారిగణ | జిష్ణుం సదా - బాల |
| చరణ (1): | నృత్యంత మిహ ముహు | రత్యంత మపరిమిత |
| | భృత్యానుకూల మఖిల | సత్యం సదా - బాల |
| చరణ (2): | ధరం భవజలధి | పారం సకలవేద |
| | సారం సమస్తయోగి | తారం సదా - బాల |
| చరణ (3): | శృంగారరసభర | సంగీతసాహిత్య |
| | గంగాలహరీఖేల | సంగం సదా - బాల |
| చరణ (4): | రామేణ జగదభి | రామేణ బలభద్ర |
| | రామేణ సహావాప్త | కామేన సదా - బాల |
| చరణ (5): | రాధారుణాధర | సుధాపం సచ్చిదానంద |
| | రూపం జగత్త్రయ | భూపం సదా - బాల |
| చరణ (6): | దామోదర మఖిల | కామాకారం ఘన |
| | శ్యామాకృతి మసుర | భీమం సదా - బాల |
| చరణ (7): | అర్థం శిథిలీకృతా | నర్థం శ్రీనారాయణ |
| | తీర్థపరమపురు | షార్థం సదా - బాల |
|
02.11 |
| గద్య. |
స ఖలు మహానుభావో లీలయా పరికలితాఖిలాండకోటి
బ్రహ్మాండనాయకో మధుసూదననామా వ్రజపురవరసుందరీ
పరివేష్టితో వశీకృతమహామాయోపి మాయాపరవశో బాలక
ఇవ లీలావినోదం దర్శయ\న్ - కలభగమన కలభాషణ కమలేక్షణ
మృదుమందహాసాది విలాసైః నిజపరిజనానానందయ\న్ -
సకలలోకసంరక్షణే జాగరూక స్స\న్ స్వకీయ పరబ్రహ్మభావ
మనుసందధానో నందగోపమందిరే నందసూను రివ విహరతి స్మ। |
25 |
| శ్లో. |
వ్రజభువినందకుమారే వ్రజబాలబృందకుముదపూర్ణేందౌ
విహరతి తస్య చరిత్రం వ్రజపురనార్యో జగుర్యశోదాయై॥ |
26 |
| కీర్తన |
| కేదారగౌళ - ఆట |
| పల్లవి: | కలయ యశోదే తవ బాలం | ఖలబాలక ఖేలనలోలం॥ |
| చరణ (1): | అపహృతబహుతరనవనీతం | అనుపమలీలానటనకృతం |
| | కపటమానుషబాలకచరితం | కనకకందుకఖేలననిరతం॥ |
| చరణ (2): | పథిపథిలుంఠితదధిభాండం | పాపతిమిరశతమార్తాండం |
| | అధిబలోద్ధృతజగదండం | ఆనందబోధరస మఖండం॥ |
| చరణ (3): | మల్లబాలక ఖేలనచతురం | మనసిజకోటిలావణ్యధరం |
| | కల్యాణగుణనవమణినికరం | కమనీయకౌస్తుభమణిశేఖరం॥ |
| చరణ (4): | నవనీతచోరబాలక చరితం | నందాదివ్రజపుణ్యతరుఫలితం |
| | ధ్రువపదఫలమేత దతిలలితం | భువినారాయణతీర్థయతిఫణితం॥ |
|
02.12 |
| గద్య. |
అయి సఖి యశోదే - తవ తు యశోదాత్వ మన్వర్థయ\న్ -
భగవా\న్ గోపబాలపరివేష్టితో - బలభద్రసహాయః -
తత్రతత్రాశక్యసంస్పర్శోన్నతగృహనిబద్ధేషు శిక్యేషు
సంచితగోరస గ్రహణోపాయానభిజ్ఞా\న్ గోపబాలా\న్ ప్రతి -
తదుపాయ నిచయమాచారతశ్శిక్షయ\న్ - ఆరురుక్షూ ని వారూఢయోగీ
తత్రత్యదధిదుగ్ధనవనీతాదిక మాకంఠ మాపీయాన్యా నపి
పాయయ\న్ - తత్రత్యగోపబాలబిడాలాదిభ్యోనిక్షిప\న్ - క్వాపి క్వాపి
కరపల్లవకలితవేత్రాదినా విరచితశిక్య భాండవివరా న్నిస్సరంతీ
ర్దుగ్ధదధిధారాః - స్వయం పిబన్నన్యానపి పాయయ\న్ - భాండాని చా
స్ఫోటయ\న్ - విశ్వాత్మా నిత్యసిద్ధ విపులతర పరానంద రసతృప్తోపి
స్వేచ్ఛయా పరిగృహీతమూర్తిమత్తయా గోరసపరితృప్తః
స్వయ మన్యాంశ్చతర్పయ\న్ - ముఖ్య ప్రాణ ఇవ వాగాదీ నశ్రాంతో
విశ్రాంతిస్థాన మితరేషాం నిజానుచరైస్సహ సానందమిహ
విహరతి నందసూనుః। |
27 |
| శ్లో. |
వీథ్యాంవీథ్యాం వ్రజభువి సుఖం సంచరంతం ముకుందం
మధ్యేమధ్యే ఘృతదధిపయః పాయయంతం పిబంతం
బుద్ధౌ బుద్ధౌ వహమహ మితి స్వాంతమాభాసయంతం
భూయోభూయః సుత మనునయంత్యాహచేదంయశోదా॥ |
28 |
| కీర్తన |
| కాంభోజి - చాపు |
| పల్లవి: | ఆయాహి మాధవ మాధవ - హే కృష్ణ - ఆయాహి॥ |
| చరణ (1): | సంగమసమయేఽతీతే సవితరి మధ్య మాగతే |
| | మంగళాచారోచితే త్వయి |
| | అంగజసలిలావృతే అధికశ్రమసంయుతే |
| | అంగజ ఖేలనై రలంతే॥ |
| చరణ (2): | చంద్రమండలసమానచారుదధిఖండఫేన |
| | సాంద్రనవనీతాద్యాహారం |
| | మందిరే మమ గృహాణ మంజునూపురాభరణ |
| | సుందర సుఖయ సాదరం॥ |
| చరణ (3): | పల్లవా దతికోమలపాదపంకజయుగళ |
| | మల్లికాజాతీసుగంధిత |
| | ఫుల్లపంకేరుహదళభూరినేత్ర సుకపోల |
| | వల్లవీమానసాలంకార॥ |
| చరణ (4): | ఆలోలమణికుండల అనవద్యమౌక్తికజాల |
| | బాలభావ ఖేలనలోల |
| | నళినసుందరనాభ నవనీతాహారవిలోభ |
| | నారాయణతీర్థసులభ॥ |
|
02.13 |
| శ్లో. |
ఇత్యేవం ప్రార్థయంతీ సా గోవిందం నందనందనం
యశసా పూరయంత్యేషా యశోదా సా నయద్గృహమ్॥ |
29 |
| శ్లో. |
ఆనీయ స్వగృహం బాలం సబలం బాలవత్సలా
నీలమేఘనిభాకారం యశోదా సమతోషయత్॥ |
30 |
| శ్లో. |
కదాచి దౌద్ధత్యమనంతవీర్యే
హరౌ విలోక్యాప్రతిమం యశోదా
బబంధ దామ్నా తమశేషబంధు
ములూఖలే బాలవిలాసలోలమ్॥ |
31 |
| శ్లో. |
ఆకృష్యోలూఖలం తస్మాద్యమళార్జునమధ్యగః
బభంజ బలవా\న్ కృష్ణ స్తావర్జునతరూ హరిః॥ |
32 |
| శ్లో. |
నారదమునివరశాపాద్యమళార్జునవృక్షభావమాపన్నౌ
యక్షసుతౌసవిచిత్రందామ్నా బద్ధోఽప్యమోచయద్బంధాత్॥ |
33 |
| అథ శాపవిముక్తయో ర్యక్షసుతయోరాగమనం గీయతే। |
| కీర్తన |
| కాంభోజి - ఆట |
| వృక్షభావబంధముక్తౌ కృష్ణేన | యక్షసుతా వనురక్తౌ |
| లక్షితవిషయవిరక్తౌ సతతం | లక్ష్మీపతిపాదభక్తౌ |
| ప్రక్షీణకల్మషభారతయా హరి | భక్తిసుధారసగిరముద్గిరంతౌ॥ |
|
02.14 |
| శ్లో. |
తం తుష్టువతు రత్యంతసంతుష్టౌ దివ్యసుందరౌ
కుబేరతనయౌ యక్షౌ దామోదర మరిందమమ్॥ |
34 |
| కీర్తన |
| కల్యాణి - -ఆది |
| పల్లవి: | దామోదర తావక పర | భావ మహాం సదా జానే॥ |
| అనుపల్లవి: | శ్యామధామ\న్ భూమ\న్ | సామాదిసర్వనిగమవాసం జానే॥ |
| చరణ (1): | పుండరీకపురమధ్య | పురుషభావేనసిద్ధం |
| | చండభానుకోటి ప్రకాశం | చిద్ఘనాకాశం |
| | పండితపరిభావితం | పాపసంఘవివర్జితం |
| | ఖండితమాయావిలాసం | కారణమఖండరసమ్॥ |
| చరణ (2): | సత్యకామాదిగుణకం | సర్వహృదయాభాసకం |
| | నిత్యమంగళనివహం | నిర్గతమోహం |
| | ప్రత్యయబాధితశోకం | ప్రతిభాతిసర్వలోకం |
| | మృత్యుజన్మాదివిరహం | సత్యలోకాదిసర్వదేహమ్॥ |
| చరణ (3): | కమలాసనాదిగీతం | కామయానాదిఫలితం |
| | శ్రీమదశేషవిభవం | ధీరానుభావ్యం |
| | సమరసతయా నిత్యం | విమలయోగివిదితం |
| | అమరరమ్య శ్రీగోకుల | కమనీయగోపాలశరీరమ్॥ |
| చరణ (4): | నరకభయవారకం | నామరూపనిర్వాహకం |
| | పరిపూర్ణానందదాయకం | భక్తతారకం |
| | సురగురుగీతమేకం | సూదితాసురనాయకం |
| | వరనారాయణతీర్థ | వందితపాదపద్మకమ్॥ |
|
02.15 |
| శ్లో. |
దేవం బ్రహ్మపురాంతస్స్థం పుండరీకాంతరస్థితం
చిదాకాశం జగద్బీజం వాసుదేవం తమాశ్రయే॥ |
35 |
| శ్లో. |
భగవతి యమళార్జునస్య భంగం
కృతవతి గోకులవాసిభిర్యశోదా
సపది నిజకృపావిముక్తబంధం
హృది పరిరభ్య చకార మంగళాని॥ |
36 |
| గద్య. |
అథ కదాచి దరవిందలోచనే భగవతి వాసుదేవే సబలే గోప
బాలబృందపరానంద సుధామహోదధిపూర్ణశశాంకబింబే
స్వకుక్షిపరిరక్షితానేకకోటిబ్రహ్మాండనాయకే కృత్రిమమానుష
బాలచాపలేన సందర్శితమృద్భక్షణాదిచరితే సుచరితే విహరతి -
తదీయలీలావిలసిత తచ్చరితం బలభద్రముఖాదాకర్ణ్య స్వకీయ
బాలహితైషిణీ దండోద్యతకరా సంతాడయంతీవ తత్సవిధ మాగతా
యశోదా భయా దివ ముఖవిదారణం కుర్వతి తస్మి\న్ - సకలమపి
జగదండమాత్మానం సవిస్మయ మాలోకయామాస। |
37 |
| శ్లో. |
కర్తారం సర్వలోకానాం మాయామానుషబాలకం
కుక్షౌ సంరక్షితాశేష ముచ్చైః స్తౌ తీతి సాదరమ్॥ |
38 |
| కీర్తన |
| శంకరాభరణ - త్రిపుట |
| పల్లవి: | హరి మీడే శ్రీ హరి మీడే - దేవం - హరి మీడే॥ |
| అనుపల్లవి: | గురుతరాసురభారహర మహ మీడే॥ |
| చరణ (1): | అఖిలాండకోటి బ్రహ్మాండనాయక మిహ నిఖిలభువనకర్తారం |
| | ప్రకటితనిజవిశ్వరూప మనామయ మఘటితఘటనాకారమ్॥ |
| చరణ (2): | స్వర్ధామమస్తకసూర్యచంద్రనయనవిధ్వస్తమోహ మహం |
| | వర్ధితాఖిలవేదవాద మాశాశ్రుతి మనిలాసు మఖిలదేహమ్॥ |
| చరణ (3): | విశ్వహృదయదేశవిపులమహీచరణశాశ్వతానందఘనం |
| | నిశ్వసితాగమనిర్మల విజ్ఞాన నిత్యకల్యాణనిదానమ్॥ |
| చరణ (4): | భక్తజనసమూహభద్రదం భవభయముక్తమమరమృదుగీతం |
| | ముక్తసంగమునీంద్రముక్తిదాననిపుణమూలమాగమబోధితమ్॥ |
| చరణ (5): | తరణి శశిమండల కోటికోటిభాస్వర మరవింద భవకారణం |
| | హరిభక్త శివ నారాయణతీర్థ కృత మిద మఖిల పాతక హరణమ్॥ |
|
02.16 |
| శ్లో. |
గోవింద ఘటయానందం పరమామ్నాయగోచర
శ్రీనందతనయాశేషయోగి ధ్యేయపదాంబుజ॥ |
39 |
గానం: శ్రీ ఆకొండి శ్రీనివాస రాజారావు, కాకినాడ.
| కీర్తన |
| కాంభోజి - జంపె |
| పల్లవి: | గోవింద ఘటయ మమ | ఆనంద మమృత మిహ॥ |
| అనుపల్లవి: | శ్రీనందతనయ బహు | యోగీంద్రసురవినుత॥ |
| చరణ (1): | అగణితగుణగ్రామ | అపరిమితనిజకామ |
| | నిగమపరమారామ | నిఖిలమోహవిరామ |
| | నగధర ఘనశ్యామ | నతజనకుముదసోమ |
| | అఘహరణ సర్వసమ | అసురమండలభీమ॥ |
| చరణ (2): | పరమపురుషాశేష | పాల పరిజనతోష |
| | పరిహృతాఖిలదోష | పతగవాహన శేష |
| | పర్యంక మృదుభాష | పరమమంగళవేష |
| | నిరవద్యగోపపురి | నియత వరమణిభూష॥ |
| చరణ (3): | నవముక్తికాహార | నందగోపకుమార |
| | భవబంధనవిదూర | భద్రద సుఖాకార |
| | అవనతజనాధార | అపరిమితశుభచార |
| | నవనీతచోర నర | నారాయణావతార॥ |
| చరణ (4): | శరదిందుసమవదన | శతమన్మథసమాన |
| | గురుతరానందఘన | కుందసుందరరదన |
| | పరిపంథిగణదళన | పాలితాఖిలభువన |
| | సరసనారాయణతీర్థ | సత్యఫలదాన॥ |
|
02.17 |
| శ్లో. |
ఇత్యేవం ప్రార్థయంతీం తాం యశోదాం నందనందనః
భూయ స్సందర్శయామాస బాలభావం స్వలీలయా॥ |
40 |
ఇతి శ్రీనారాయణతీర్థవరవిరచితాయాం శ్రీకృష్ణలీలాతరంగిణ్యాం
శ్రీకృష్ణబాలలీలావర్ణనం నామ ద్వితీయతరంగః॥ |
| 
