ఆంధ్రభారతి - నారాయణ తీర్థ - నారాయణతీర్థ తరంగములు

నవమ తరంగం (కృష్ణమధురాప్రవేశ వర్ణనం)
శ్లో.	శ్రీకృష్ణలీలా మధురాప్రవేశాఖ్యాత్ర వర్ణ్యతే కంసస్యాగమనం పూర్వం దేవకీవసుదేవయోః॥	1
శ్లో.	బృందావనేఽథ శ్రీరామకృష్ణయోస్తదనంతరం నారదాగమనం పశ్చాదక్రూరాగమనం తతః॥	2
శ్లో.	కంసస్యానుజ్ఞయాక్రూరాగమనం కృష్ణసన్నిధౌ శ్రీకృష్ణదర్శనం తస్య విశ్వరూపప్రదర్శనం మధురాయాం ప్రవేశశ్చ సంగ్రహోఽయం ప్రకీర్తితః॥	3
కంసాగమనమ్‌ - నారదాగమనమ్‌।
శ్లో.	అథ నివసతి తస్మి\న్‌ గోకులే వాసుదేవే వ్రజయువతిచకోరీ బృందరాకాశశాంకే ఇతి కథయతి కంసం నారదే కృష్ణవృత్తం భయవికలితచేతాః ప్రాహ కంసోఽపి దూతాన్‌॥	4
శ్లో.	మంత్రిభిర్మంత్రయిత్వాఽథ ధనుర్యాగచికీర్షయా అక్రూరం చోదయామాస కంసస్త్వానయనే తయోః॥	5
అక్రూరాగమనమ్‌।

కీర్తన

నాదనామక్రియ - ఆట
ఏకాంతభక్తిసంయుక్తః	శ్రీకాంతే దేవకీసుతే
లోకానుగ్రహాయ సర్వ	లోకాక్రూరో విరాజతే॥

09.01

అథ అక్రూరం ప్రతి కంసవచనమ్‌।
శ్లో.	మయి ద్వేషో దోషః ఖలు జగతి తేషాం ఖలజుషాం మహాన్రోషో మేఽద్య ప్రసరతి సర త్వం తు ఝటితి ధనుర్యాగవ్యాజా దథ మధురిపుం రామసహితం నయాస్మత్సందేశా దిహ మమ సఖేఽక్రూర సమతే॥	6
అథ కంసం ప్రతి అక్రూరవచనమ్‌।
శ్లో.	మహారాజ శ్రీమ\న్‌ జగతి మహిమా తే విజయతే తథా కుర్వేఽహం త్వం వదసి తు మహారాజతనయ అమోఘం తద్వీర్యం బల మపి చ లోకే సువిదితం విధే స్సంకల్పః కిం ఫలయతి న జానే త్వయి పరమ్‌॥	7
అథ అక్రూరం ప్రతి కంసవచనమ్‌।
శ్లో.	అక్రూర త్వరయా గత్వా రామకృష్ణా విహానయ బృందావనం ధనుర్యాగచ్ఛలేన మమ తౌ రిపూ॥	8
శ్లో.	అక్రూరో గోకులం గచ్ఛ\న్‌ మధ్యేమార్గం ముహుః స్మర\న్‌ కృష్ణస్య గుణరత్నాని గాయంగాయం యయా వితి॥	9

కీర్తన

మధ్యమావతి - ఆది
పల్లవి:	ద్రక్ష్యామి గోకులనిలయం	గోపీమాధవమ్‌॥
అనుపల్లవి:	ప్రక్షీణకల్మషయోగి ప్ర	త్యక్షదైవం నూనమ్‌॥
చరణ (1):	పాతకారణ్యకుఠార	పాదపంకజం -శుద్ధ
	పాదజసలిలపూత	భక్తసమాజం
	కేతకీచంపకతులసీ ల	లితవారిజం -శ్రిత
	కేవలానందైకభావం	గళితమోహజం నూనమ్‌॥
చరణ (2):	పక్షిమృగబృంద మిహ	యాతి దక్షిణే పథి
	పశ్యామి పూర్ణకలశం	భద్రలక్షణం
	అక్షీణశంఖవీణాది నాద	మోక్షణం పర
	మద్యైవ శృణోమి మధుర	మఖిలరక్షణం నూనమ్‌॥
చరణ (3):	చంద్రవదనసుందరం	మందహసనం చారు
	చంపకనాస మరుణార	విందలోచనం
	నందనందన మమరరచిత	వందనం భూరి
	నందితనారాయణతీర్థా	నందరసఘనం నూనమ్‌॥

09.02

శ్లో.	గత్వాథ యమునాం తస్యాః పుళినం దదృశే ముదా శ్రీహరే శ్చరణాంభోజ ధ్వజవజ్రాదిచిహ్నితమ్‌॥	10
శ్లో.	కళిందకన్యాలహరీహధన్యాకళిందజాయాః పుళినంచధన్యం మిళన్ముకుందస్య పదారవిందప్రసారభాగ్యోదయతః ప్రసన్నే॥	11
శ్లో.	అహం చ ధన్యో యమిబృందమాన్యో యదూద్వహస్యాంఘ్రి సరోజచిహ్నం పశ్యామి యస్మా దితి తత్త్వదర్శీ గాయత్యథాక్రూర పదాభిధేయః॥	12

కీర్తన

పంతువరాళి - ఆట
పల్లవి:	ధన్యధన్యోఽహం	ధన్య ధన్యోఽహమ్‌॥
అనుపల్లవి:	ధన్యధన్యేయం కాళిందీ	ధన్యం కాళిందీపుళినమ్‌॥
చరణ (1):	శ్రీహరిచరణాంభోజ	శ్రీవిలసిత మతులం
	దేహధారిణా మతీవ	దృష్టిరమణీయం
	గేహబాంధవపశ్యాది	గేహినీపుత్రధనాదౌ
	మోహపాపవినాశనం	ముహు రపి దృశ్యతే॥
చరణ (2):	గోపగోపీజనబృందం	గోకులజంతుకదంబం
	పాపతాపాదివిహీనం	పరమపావనం
	శ్రీపతిదృగ్విలాసితం	శ్రేయసా మమితాస్పదం
	రూపయౌవనసంయుతం	రుచిర మిహ పశ్యామి॥
చరణ (3):	శంఖచక్రవజ్రపద్మ	చారుపతాకాది రే
	ఖాంకితాని భువి దృశ్యంతే	అద్యనూనం
	పంకజనాభస్య యదు	పుంగవస్య చిహ్నాని
	శంకరనారాయణతీర్థ	శంసితం హరిగురుకృపయా॥

09.03

శ్లో.

శ్రీహరిచరణసరోజే హృదయసరోజే నిధాయ భూయోఽపి
గాయతి నందకుమారం సంబోధ్యానన్యభక్తియుక్తాత్మా॥

కీర్తన

బిలహరి - ఆది
పల్లవి:	భావయే హృదయారవిందే	తావకపాదారవిందే॥
అనుపల్లవి:	దేవగంధర్వాదిబృంద	సేవిత మా మవ ముకుంద॥
చరణ (1):	సకలలోక నాయక	సాధుజనతారక
	మకరకేతుజనక	మాయాధారక
	వికటారివిదారక	వేదసముద్ధారక
	వికృతభయవారక	విపులసుఖదాయక॥
చరణ (2):	కనకమయదుకూల	కలితకల్యాణజాల
	మునిమానసానుకూల	మురళీలోల
	వినయాదిగుణశీల	వేదపురాణాదిమూల
	వీరవిజయగోపాల	విగతశోకాదిమూల॥
చరణ (3):	కాళిందీతటవిహార	కరుణారససాగర
	మేళితగోపీనికర	మేరుసమధీర
	కాళియమదహార	కంసాదిభయకర
	గోకులశ్రీమందార	కోటికామసుందర॥
చరణ (4):	భక్తజనసంరక్ష	పరమకరుణావీక్ష
	సక్తజనసుశిక్ష	సాధుజనపక్ష
	రక్తకమలపత్రాక్ష	రమణీయచరణదక్ష
	భక్తనారాయణతీర్థ	భవబంధనమోక్ష॥

09.04

శ్లో.	బృందావనే గవాం మధ్యే గోపమండలమధ్యగం దృష్ట్వాఽక్రూరః ప్రణమ్యాథ భక్త్యా ప్రార్థయతే హరిమ్‌॥	14
శ్లో.	శ్రీనందగోపతనయాఖిలవిశ్వమూర్తే శ్రీమత్పయోనిధితనయాధవ కృష్ణమూర్తే ఆనందయాఖిల మశేషజగన్నివాస మీనాంకకోటిసమసుందర శుద్ధకీర్తే॥.	15

కీర్తన

కాంభోజి - ఆది
పల్లవి:	నందగోపాలబాల కృష్ణ	నంద యాఖిలమ్‌॥
అనుపల్లవి:	శ్రీచందనకుంకుమతులసీ	చాంపేయాదిసుగంధితాంగ॥
చరణ (1):	అజయ్యరమణీయలోక	ఆగమబృందమానక
	భజదార్తినివారక	భద్రదాయక
	అజిత లోకనాయక	ఆదిత్యాదిశాసక
	విజితాసురనాయక	విశ్వమంగళదాయక॥
చరణ (2):	గోపాంగనామండల	గోగోపపరిపాల
	తాపసజనలోల	తార కాగమమూల
	శ్రీపతేఽనంతలీల	శృంగారకృపాలవాల
	శ్రీవత్సచిహ్నాదిమూల	కారణమూర్తే॥
చరణ (3):	అతులకరుణాసార	అఖిలజగదాధార
	ధృతదివ్యపీతాంబర	దివ్యసుందర
	హృతనవనీతోదార	హృదయనిహితేందిర
	శ్రితభక్తమందార	శ్రీలసత్కౌస్తుభోదార॥
చరణ (4):	సంతతానందకర	సాధుజననికర
	చింతితార్థదోదార	చిన్మయామరవీర
	సత్యకామచతుర	సంసారపరాపర
	నిత్యనిగమశిఖర	నియతవిహార॥
చరణ (5):	వ్యత్యస్తాంఘ్రికమల	విమలమణికుండల
	ప్రత్యస్తమోహజాల	ప్రత్యక్‌దృగఖిల
	నిత్యముక్తనిర్మల	నిఖిలనిగమమూల
	భృత్యజనానుకూల	భ్రాజద్గోకులలీల॥
చరణ (6):	వైజయంతీశోభిత	వామదేవాదిసేవిత
	నిజభక్తసువిదిత	నిత్యశుభచరిత
	ఋజుమానసలలిత	ఋగ్యజుస్సామాదిగీత
	వ్రజనారీపరివృత	విశ్వవిఖ్యాత॥
చరణ (7):	దేవాదికృతమోద	దివ్యమురళీనాద
	భావితాఖిలవేద	భవ్యభక్తవరద
	శ్రీవసుధావినోద	శ్రితజనమోక్షప్రద
	శివనారాయణతీర్థ	సేవితపాద॥

09.05

శ్లో.	ముహు ర్ముహు ర్నమ న్నమ\న్‌ ముకుంద పాదపద్మయోః మహ\న్‌ మహ\న్‌ మహీయసాం ప్రభో మమ ప్రబోధయ ఇతి స్వయంప్రభం ప్రభుం హృదా హరిం స్మర\న్‌ గుణా\న్‌ స గద్గదస్వరేణ తత్సమీపగోఽస్తువన్ముదా॥	16
శ్లో.	మాయామానుషదేహీ మాధవనామాభివాద్యతంసబలః తేనాలింగితమూర్తిస్సురరిపువృత్తం తదుక్త మథ వేద॥	17
శ్లో.	అక్రూరో రామకృష్ణాభ్యాం న్యవస ద్గోకులే సుఖం అథోత్థితో రాత్రిశేషే సముత్థాపయతి స్వయమ్‌॥	18

కీర్తన

దేశాక్షి(మలహరి) - జంపె
పల్లవి:	హేరామ హేకృష్ణ ఇహ సముత్తిష్ఠ॥
అనుపల్లవి:	హేరామ హేకృష్ణ హేజగత్త్రయగురో
	హేపుండరీకాక్ష రక్ష నిజపక్షమ్‌॥
చరణ (1):	ప్రాచీదిగంగనా పరిహసతి హేకృష్ణ
	పతియోగపరమసౌభాగ్యమహితా
	ప్రాచీనవైరస్య మభినయంత్యథ సా
	ప్రతీచీందిశం రామ కామముదితా॥
చరణ (2):	నళినముకుళోదరవిదళినగళితాళయో
	లలితతరరవినిహ్నుతాంధతిమిరాః
	మిళితనవనళినపరిమళ బహుళమకరంద
	కలనయా విచరంతి కామముఖరాః॥
చరణ (3):	దధిమథసంజాతమధురతరసంగీత
	బుధజనాగమఘోషరమ్యఘోషం
	మధుమథన సంకలయ మాధవ విధీంద్ర నుత
	పదకమలపద్మాకృతాభిలాషమ్‌॥
చరణ (4):	భూపాళదేశాక్షి దేవగాంధారిశుభ
	బిలహరివసంతముఖరాగబృందం
	గోపికా గాయంతి గోవింద తవ తు శుభ
	గుణరత్నబృంద మానందకందమ్‌॥
చరణ (5):	కలితనవమల్లికాకుసుమాని విహసంతి
	కామ మిహ తారకాబృంద మమితం
	లలితవచసాఽక్రూరకలితమితి గురుభక్తి
	నారాయణానందతీర్థరచితమ్‌॥

09.06

శ్లో.

వ్యతీతాయాం స తద్రాత్రౌ సబలం బలినాం బలం
ఆరోప్య స్యందనే తూర్ణమక్రూరోఽశ్వా నచోదయత్‌
స్యందనే వసతి నందనందనే చంద్రమండలసమాననే ఘనే
మందహాసరమణీయచంద్రికాస్సుందరం జగురి మాహి గోపికాః॥

కీర్తన

కల్యాణి - ఆది
పల్లవి:	అక్రూరో గమయతి మధురా మచ్యుత మిహ సఖిసుతరామ్‌॥
అనుపల్లవి:	స క్రూరో మాయావీ తస్య సాహస మథ సఖి పశ్య॥
చరణ (1):	సబలం గోపీ జనహృదయాంబుజ సవితారం సఖి సహసా
	కబళితనవనీతం కలితాగమకారణ మసురవిదారణ మీశమ్‌॥
చరణ (2):	బృందావనచంద్రమసం నిజజన చందన మింద్రాదినుతం
	నందనందన మానందితవిధిముఖబృంద మనిందితస్యందననియతమ్‌॥
చరణ (3):	సంసారార్ణవతారకవిజయ గోపాలక మఖిలైకగురుం
	కంసరిపుం శివనారాయణతీర్థ కలితమిదం కవిహృదయవిహారమ్‌॥

09.07

శ్లో.

బలేన సహితం కృష్ణ మక్రూరస్యందనస్థితం
మధురాభిముఖం దృష్ట్వా గోపికా కాపి గాయతి॥

కీర్తన

సావేరి- ఆట
పల్లవి:	స్వామినం వనమాలినం సఖి కలయ స్వామినం వనమాలినమ్‌॥
అనుపల్లవి:	శ్రీమహోన్నత శ్రీవత్సకౌస్తుభ మమలకామదవిజయగోపాలమ్‌॥
చరణ (1):	సుందరం సత్యసుఖబోధరసికం సోమవంశజలనిధిపూర్ణసోమం
	నందనందనమిహపరమానంద స్యందనే నందయోగినుతంసఖి
	సురనరకిన్నరరవరమునిసేవిత సరసగుణార్ణవసకలగురుంమమ॥
చరణ (2):	అధరబింబసమర్పితమురళీ మధురగీత రసామృతసరసం
	మధురిపుంసఖిమాధవమిహపశ్యమాధురీభాగ్యభరమందహాసం
	శక్రాదిసురగణసన్నుతపదమిహ వక్రకుంతలభారవరరత్నాభరణమ్‌॥
చరణ (3):	భద్రదంకలయసఖిబలభద్రం భవ్యయోగదళితమోహనిద్రం
	అద్రిరాజధీర మరివర్గరుద్రం అచ్యుతేనసహితంసుఖముద్రం
	శివనారాయణతీర్థసేవితమనుపమ భవ్యముక్తామణి భవనవిహరణమ్‌॥

09.08

శ్లో.

మధురాగమనోత్సాహం మాధవం వల్లవాంగనాః
మంగళాన్యాచరంత్యస్తం జగుస్తస్య జయేచ్ఛయా॥

కీర్తన

సురటి - ఆట
పల్లవి:	విజయగోపాల తే మంగళం జయ	విశ్వంభర తే మంగళమ్‌॥
చరణ (1):	నందయశోదానందన సుందర	మందస్మిత ధృతమందర
	నందసునందాదివందితపాదార	విందగోవిందజయమంగళమ్‌॥
చరణ (2):	చారుకదంబకతరుమూలాశ్రిత	చంచలమణిమయకుండల
	దారుణవైరిసంహరణపరాక్రమ	దాసపోషణ తే మంగళమ్‌॥
చరణ (3):	చందనచంపకతులసీకల్పక	శీతలవనసంచారిణే
	వాచామగోచరచరితసదానంద	వాసుదేవాయ తే మంగళమ్‌॥
చరణ (4):	గోపీమండలగూఢ పరాయణ	గోవింద గోకులనాయక
	ఆపదుద్ధారక అఖిలజనాధార	తాపహరణ తే మంగళమ్‌॥
చరణ (5):	వర్ధితగోబృంద వనమాలి\న్‌ గో	వర్ధనగిరిధర వామన
	తీర్థకృత శివనారాయణతీర్థ	మానససారసమందిర॥

09.09

శ్లో.	అక్రూరో రామకృష్ణాభ్యాం మధురాభిముఖో వ్రజ\న్‌ ఆచర\న్‌ యామునే స్నానం సలిలే దృష్టవా\న్‌ హరిమ్‌॥	22
శ్లో.	ముహుర్ముహు స్స్యందనస్థం సలిలస్థం హృది స్థితం దృష్ట్వా సర్వాత్మకం కృష్ణం ప్రాహ చేదం సతత్త్వవిత్‌॥	23

కీర్తన

తోడి - ఆది
పల్లవి:	జానే భువనసృష్టి	చాతురీధురీణం
	గోనికేతనం విజయ	గోపాలమఖిలశరణమ్‌॥
చరణ (1):	సకలహృదయకమల	సవితృకోటిప్రకాశం
	సలిలాదిభావమధ్య	సంగమపూరితాశం
	ప్రకట మేవ ఫణీంద్ర	ప్రచురశయనదేశం
	ప్రత్యగభిన్న మఖిల	పరమానందనివేశమ్‌॥
చరణ (2):	నిగమగమసారసనిచయ	నిత్యవిదితభావం
	సుగుణమణిసమూహ	సూత్రసత్స్వభావం
	అఖిలజగదంతరాత్మాన	మమితవిభవం
	ఖగమృగసురనరాది	ఘననామరూపమభవమ్‌॥
చరణ (3):	నందితవ్రజజనా	నందఘనభాగధేయం
	కందర్పశతకోటి	కలితకాంతికాయం
	నందితయోగినిచయం	నారదాదిగేయం
	బృందావనవిహారం	బద్ధమాయూరవలయమ్‌॥
చరణ (4):	అవనిమండలతిలక	మచ్యుత మఖిలజనకం
	నవనవనీతరసికం	నమదభయదాయకం
	భవభయనివారకం	భవ్యముక్తినాయకం
	శివనారాయణతీర్థ	సిద్ధానందరాయకమ్‌॥

09.10

శ్లో.

దృష్ట్వాఽథ మధురాం రామం నగరీం సురనాగరీం
ఆహ చేదం మహోత్సాహో మాధవో మధురం వచః॥

కీర్తన

సౌరాష్ట్ర - చాపు
పల్లవి:	రామ మధురా నగరీరమ్యా	హేమగోపురప్రాకారకలితా॥
అనుపల్లవి:	రామ రమణీయకాభిరామ	రత్నకోటీరసంభారా॥
చరణ (1):	సౌధచంద్రశాలాజాల	సోమరవిలీలాలోలా
	మాధురీభాగ్యామారఖేలా	మహనీయభూతివిశాలా॥
చరణ (2):	నవనవమణిశ్రేణీ	నాకరమణీమనోహారిణీ
	అవనీసురభారిణీ	అమరపరివారిణీ॥
చరణ (3):	కాళిందీ హేళినందినీ	కల్లోలాలోలపద్మినీ
	మిళితహంసమాలినీ	మీనాంకరాజరాజధానీ॥
చరణ (4):	అబ్జయోనికృత్యాతీతా	అఖిలసంపదోపేతా
	లబ్ధవిద్యావాద్యాధ్యుషితా	లక్షితలక్షణసహితా॥
చరణ (5):	మాధవసుగీతమిదం	మహితబలరామామోదం
	బాధితసంసారఖేదం	భవ్యనారాయణతీర్థసుఖదమ్‌॥

09.11

శ్లో.	ఉపవనవనజేషు హంసమాలాః మునిరివ మానసనిస్పృహాస్తు యస్యాః నిరవధిసుఖమాత్రలగ్నచిత్తాః కథ మపి బాహ్య మనుస్మరంతి నైవ॥	25
శ్లో.	అవతీర్ణో రథాత్తూర్ణ మక్రూరాధిష్ఠితాత్ప్రభుః మధురారాజమార్గేణ పద్భ్యామేవ శనైర్యయౌ॥	26
ఇతి శ్రీనారాయణతీర్థవిరచితాయాం శ్రీకృష్ణలీలాతరంగిణ్యాం కృష్ణమధురాప్రవేశ వర్ణనం నామ నవమ తరంగః॥