ఆంధ్రభారతి - తూము నరసింహదాసు కీర్తనలు - శరణు భద్రశైల నాయకా

యదుకులకాంభోజి - ఆది

పల్లవి:

శరణు భద్రశైల నాయకా - కావు కావు
శరధిగర్వదళన సాయకా

చరణము(లు):

కరుగదాయె నేమొ హృదయము
నన్నుఁ బ్రోవ గరుణ రా దిదేమి పాపము

పలుక వేమి సేయువాఁడను అన్నిటికినిఁ
బ్రాపు నీ వని యున్నవాఁడను

పామరులను జేర నంటిని నేడు నీ
పాదయుగముఁ జూపు మంటినీ

ఘోర సంసారవార్ధిని మునుగ లేక
కోరి మిమ్ము గొల్తు నంటిని

నారసింహదాస పోషక భక్త హృదయ
నలినమిత్ర శత్రుదూషక