కీర్తనలు తూము నరసింహదాసు రామసహాయ మెన్నటికో - భక్త

    
గానం: శ్రీ ఆకొండి శ్రీనివాస రాజారావు, కాకినాడ.

వరాళి - రూపక (ఆట)
పల్లవి:
రామసహాయ మెన్నటికో - భక్త -
కామునిదయ నాపై గలుగు టెన్నటికో
చరణము(లు):
శాంతము గలుగుటెన్నటికో - దుష్ట -
చింతలన్నియు బాయఁజేయు టెన్నటికో
హితమతి నుంచు టెన్నటికో - భక్త -
తతిఁగూడివసియించు తరుణ మెన్నటికో
పోషింపగలుగు టెన్నటికో - నన్నూ -
దూషించు వైరుల ద్రుంచు టెన్నటికో
కష్టము దీర్చుటెన్నటికో - నా -
యిష్టదైవము నీవై యేలు టెన్నటికో
నీసేవ గలుగు టెన్నటికో - భద్రా -
ద్రీశుని ధ్యానము చేయు టెన్నటికో
ఆనంద భరిత మెన్నటికో - తూము -
నరసింహదాసునిఁ బ్రోచు టెన్నటికో
AndhraBharati AMdhra bhArati - tUmu narasiMhadAsu kIrtanalu - raamasahaaya mennaTikoo - bhakta - Tumu Narasimhadasu - Tumu Narasimha Dasu ( telugu andhra )