 |
    |
    |
 |
    |
    |
 |
| కీర్తనలు | తూము నరసింహదాసు | ఇంకా సంసారముతోఁ బొందేలా - శ్రీరాముని దలచక |
| సౌరాష్ట్ర - ఆది |
| పల్లవి: |
| ఇంకా సంసారముతోఁ బొందేలా - శ్రీరాముని దలచక |
| అనుపల్లవి: |
| ఇంకా సంసృతి పంకములో యమ కింకరులకు బహుకొంకుల దలచితి |
| చరణము(లు): |
| దారపుత్రులు తల్లిదండ్రులును రారు నీకు మఱి దారి చూపుటకు |
| ధనముకై తన తను వమ్మియు మది ఘనదుఃఖములను గాంచి యలసితిమి |
| నేటివఱకు బహుకోటి జన్మములు సూటి దప్పి పరిపాటి గాంచితిమి |
| బంధుజనమ్ముల బంధకములఁ బడి దంధనమున మదిఁ దలపక చెడితిమి |
| లోకవార్తలకు లోనై తిరిగి వి వేకము మరచితి వీకతనమ్మున |
| దొరలకు దొరయై ధరణిజపతియై మెఱసిన శ్రీరఘువరునిఁ గొల్వకను |
| వాసిగ భద్రగిరీశుఁడు నరసింహ దాసుని బ్రోవను దయ గలిగున్నా |