 |
    |
    |
 |
    |
    |
 |
| కీర్తనలు | తూము నరసింహదాసు | ఇంచుకైన నభిమానము లేదా యిది సమయము గాదా |
| పున్నాగవరాళి - చాపు |
| పల్లవి: |
| ఇంచుకైన నభిమానము లేదా యిది సమయము గాదా కొంచెపు జనులిటు వంచనసేయ సహించియుండుట వాదా, రామ |
| చరణము(లు): |
| పంచశరుని గన్న పరమపురుష నీదు ప్రాపు నమ్మినజనుల వంచనఁ జేసినఁ గొంచె మెవ్వారిదో యెంచి చూడగరాదా, మర్యాద |
| ఉదరపోషణకు నీవిధముల జనుల నే నొదిగి వేడవలెనా సదయమతివి నన్ను సాకిప్రోవ నీ హృదయమునను దోచలేదా తరిగాదా |
| సొగసుగ శ్రీభద్రగిరియందుఁ నెలకొన్న బిగువా లేకను నగవా తగవా శ్రీనరసింహ దాసునిఁ బ్రోవఁ దగవా యోహో రాఘవా, యిట లేవా |