కీర్తనలు తూము నరసింహదాసు రామరామా యనవె - ఓమనసా శ్రీరామరామా యనవే
శంకరాభరణము - ఆట
పల్లవి:
రామరామా యనవె - ఓమనసా శ్రీరామరామా యనవే
రామరామయనవె రక్షించుమనవె - కామాదులను ద్రుంచి కడతేర్చుమనవే
చరణము(లు):
అరిషడ్వర్గముల ద్రుంచి - యారింటిపై మించి
యరవి శ్రీరాముల - నాశ్రయించిన జాలు
శరణాగతుల నెల్ల - జేకొనిప్రోచెడు
వర రఘువీరుని - వర్ణింపుచును సీతా
పరమదయాళుడై - పన్నగశయనుడై
పతితులనెల్ల జే పట్టి బ్రోచెడు సీతా
కరుణ గలిగి భక్త - వరదుడై భద్రాద్రి
పురమున నెలకొన్న - దొరకు నేమరక
కరివరదుడు తూము - నరసింహదాసు నే
మర కుండునట యింక - నరసి వేగమె సీతా
AndhraBharati AMdhra bhArati - tUmu narasiMhadAsu kIrtanalu - raamaraamaa yanave - oomanasaa shriiraamaraamaa yanavee - Tumu Narasimhadasu - Tumu Narasimha Dasu ( telugu andhra )