కీర్తనలు తూము నరసింహదాసు ఇదిగదా సుదినమునకు మూలము ఇదిగదా
యదుకులకాంభోజి - ఆది
పల్లవి:
ఇదిగదా సుదినమునకు మూలము ఇదిగదా
చరణము(లు):
ఇదిగదా బ్రహ్మాదుల కందని పదవి
యనుచు యోగులు ధ్యానింతురు
యాగ యజ్ఞ తపయోగములెల్లను
బాగుగఁజేయక భక్తి గొల్చుటకు
అరసి భక్తజనములు దినమును హృ
త్సరసిజమున భవహరమని కొల్తురు
ప్రేమ భద్రగిరి ధాముడైన శ్రీ
రాము డితడని రమియింతురు సదా
వాసిగ నరసింహ దాసునేలు కృపఁ
డాసి కంటి మిక ధన్యుల మైతిమి
AndhraBharati AMdhra bhArati - tUmu narasiMhadAsu kIrtanalu - idigadaa sudinamunaku muulamu idigadaa - Tumu Narasimhadasu - Tumu Narasimha Dasu ( telugu andhra )