 |
    |
    |
 |
    |
    |
 |
| కీర్తనలు | తూము నరసింహదాసు | నీలనీరదగాత్రు నీరజదళనేత్రు నెన్నడు గనుగొందునో |
| నాటకురంజి - ఆట |
| పల్లవి: |
| నీలనీరదగాత్రు నీరజదళనేత్రు నెన్నడు గనుగొందునో వాలాయముగ వనజాలములో జిక్కి మేలెరుంగక యని మృగమునై తిరిగితి మేలిబంగరు చేలమును వజ్రాల మకుటాంగ ములును ముత్యాల సరములు లోనుగా రత్నాల చౌకట్లమరుచుండెడు |
| చరణము(లు): |
| చుక్కలరేని నెకసక్కెములాడు చక్కని నెమ్మోముపై చొక్కపు కస్తూరి చుక్కబొట్టుఁ దీర్చి గ్రక్కున పదముల గజ్జెలందెలుమ్రోయ (దు) మక్కువతొ ప్రణమిల్లుచును పెం - పెక్కు నానందంబు మదిలోఁ బిక్కటిలగ జన్మఫలములు దక్కి హృత్పద్మమున నిరతము |
| కాంచనరత్న సంఘటిత మంటపమున మించు పీఠమునందు పంచశరునిచేతి బాణమొయని దీ - పించు భూమిజఁ గూడి వేంచేసె దీనులఁ (దు) గాంచి సన్మానించి వారల వాంఛితము లీడేర్చుటకు మో దించి భవభయమెల్ల మొదటికి ద్రుంచి వెఱవకు మనుచుఁ బ్రోచెడు |
| మీరి భద్రాద్రి విహారుఁడై భక్తమందారుఁడై రఘువీరుఁడై కోరి కలర తూము నారసింహునియింట భారకులై యున్న సారసనాభుని - (దు) నీరజంబులుఁ బోలుపదముల శ్రీరజః పటలంబుఁ గన్నులఁ జేరిచియు ధన్యోహ మనుచును జింత లెల్లను బాసి మదిలో |