ఆంధ్రభారతి - తూము నరసింహదాసు కీర్తనలు - కలడో లేడో - శ్రీరాముడు

మధ్యమావతి - ఆట

పల్లవి:

కలడో లేడో - శ్రీరాముడు - గలడో లేడో
కలడో లేడో నన్ను గన్న శ్రీరాముడు

చరణము(లు):

తడిసి వానలకును - జడిసి వేసట నొంది
కడు వేడ్క రమ్మన్న - ఘనుఁడు రాడాయెను

ఉబ్బలిలో దారి తబ్బిబ్బును జెంది
బొబ్బపెట్టినఁగాని గొబ్బున రాడాయె

చూడు నేడు నీతోడనె యుందు న
న్నాడు నేడు వానిజాడ లేదాయెను

నిరతము భద్రాద్రిపురమున నెలకొన్న
శరణాగతత్రాణ బిరుదాంకు డగుతండ్రి

కరుణతోడుత తూము నరసింహదాసుని
అరసి రక్షించెడు నల సీతాపతి నేడు