 |
    |
    |
 |
    |
    |
 |
| కీర్తనలు | తూము నరసింహదాసు | జోలపాట |
| నవరోజు |
| చరణము(లు): |
| జోజో రఘూత్తంస జో పద్మనాభా జో మైథిలీనాథ జో రామచంద్రా |
| జో లక్ష్మణాగ్రజ జో కామజనక జో భక్తవత్సల జో శేషతల్ప |
| మేలిబంగరు రత్నడోలిక ఘటించి జాళువాముత్యాల జాలరు ఘటించి నీలవర్ణుడ వనుచు ని న్నందు నుంచి లాలి యని యూతు రిదె లలనలును మించి |
| జలకములు పోసి యలకను దీర్చి నుదుట దిలక మమరగ బెట్టి తెలిగలువతేట జిలుకుచును ముకురముల గలప్రభలు మీటఁ జెలులు పాటలఁ బాడఁ జేరి రిచ్చోట |
| ముంగురులు దువ్వి రంగుగ జుంచు కట్టి రంగు బంగరు రావిరే కమరఁ గట్టి శృంగారముగ ముద్దు టుంగరము బెట్టి అంగనలు నిదుర బుచ్చెదరు జోకొట్టి |
| కూరిమిగ భద్రాద్రి శ్రీపురవిహారా తీరుగా గౌతమీతీరమున మీర ధారుణీసుత గూడి కోరికలు దీర చేరి నిదురించుమీ శ్రీరామధీరా |
| ప్రేమమీరగ తూము నరసింహునితో వేమారు నాటపాటల మరగి తెంతో నేమమున వాఁడు నిన్నే మఱిగి నెంతో కోమలాకార నిదురించు జానకితో |