 |
    |
    |
 |
    |
    |
 |
| కీర్తనలు | తూము నరసింహదాసు | లాలి శ్రీభద్రాచలేశ జయలాలి |
| (లాలిపాట) నవరోజు - ఆట |
| పల్లవి: |
| లాలి శ్రీభద్రాచలేశ జయలాలి లాలి శ్రీనిజభక్తవాస జయలాలి |
| చరణము(లు): |
| రంగైన నవరత్న మంటపంబునను బంగారుతొట్లలో బాగుమీరగను శృంగారముగ సీత సేవింపుచుండ పొంగుచును నిదురబో అంగనలు పాడ |
| పటుతరంబుగ మెఱయ భాసురకిరీట వాటముగ కస్తూరి తిలకంబు నుదుట చాటుమాటును లేక సరసముగ నిచట నీటుగా నిదురబో నా కన్ను లెదుట |
| సొగసైన మొలక నవ్వుల ముద్దుగులుక సోగకన్నుల కలికి చూపులను గులుక బాగుగను నీచిన్ని పలుకు సుధ లొలుక వేగమున నిదురబో రఘుకులతిలక |
| నిద్దంపు చెక్కిళ్ళనీటు మెఱయగను సద్దుసేయక కొల్వువద్ద లే నిపుడు ప్రొద్దుచాలగ బోయె ముద్దులరామ నిదురబోవే యికను నీరదశ్యామ |
| భద్రగిరి వరదరామదాసునకు వరము లొసగుటకునై వేంచేసె నేడు వసియించి వానింట వర సీతతోడ వనజబాంధవవంశ నిదురబో యికను |