కీర్తనలు తూము నరసింహదాసు సందడి సేయవలదు రాకురే! సుందరులార!
శంకరాభరణము - ఏక
పల్లవి:
సందడి సేయవలదు రాకురే! సుందరులార!
చరణము(లు):
సందడి సేయవలదు శ్రీరఘు నందనుడు నేడు సీతా
మందయానతోడఁ గూడి పొందు సలుపుచున్న వేళ
ఇందువదనలార మీరు మంద మందమునను పాట
లుండి పాడనేల శ్రీ గోవిందుడు నిదురించువేళ
వేణు వీణానాద మిపుడు వెలదులార సేయవలదు
జాణుడై రామచంద్రుడు చెలియతో శయనించెను
నీరజాప్తకులునిఁ జేరి నారసింహదాసు డిపుడు
ధీరుడై పదములొత్తుచు గోరి కీర్తన సేయువేళ
AndhraBharati AMdhra bhArati - tUmu narasiMhadAsu kIrtanalu - saMdaDi seeyavaladu raakuree! suMdarulaara! - Tumu Narasimhadasu - Tumu Narasimha Dasu ( telugu andhra )