 |
    |
    |
 |
    |
    |
 |
| కీర్తనలు | తూము నరసింహదాసు | మేలుకో సుగుణాలవాల జానకిలోల భక్తపాల నిదుర మేలుకో |
| (మేలుకొలుపు) భూపాళ |
| పల్లవి: |
| మేలుకో సుగుణాలవాల జానకిలోల భక్తపాల నిదుర మేలుకో వాలాయముగ నన్ను పాలించువేళాయె వైకుంఠవాసుడ మేలుకో |
| చరణము(లు): |
| భేరి మృదంగాది భీషణవరములు భోరుగలుగ సాగెమేలుకో తీరైన కస్తూరి తిలకము జారెను తీర్చి దిద్దవలె మేలుకో |
| తారలు తెల్లనై తెల్లవారెనదె వారిజాక్ష యికమేలుకో తీరైన ముత్యాలహారమువలె దీపతేజము గన్పడె మేలుకో |
| తూరుపునను మంచితీరుగ రవికాంతి జేరిమించసాగె మేలుకో కారుణ్యసాగర కమనీయ కటిసూత్ర హారమకుట ధరమేలుకో |
| భరతుఁడు మీపాద భక్తుడు శ్రీమించు పాదుకలను దెచ్చె మేలుకో వరదుడవై నీవు ధరణిజఁగూడి యీధర యేలుదువుగాని మేలుకో |
| స్థిరముగ భద్రాద్రి పురమున వెలసిన శ్రీరఘునాయక మేలుకో నరసింహదాసుని యరలేక రక్షించు పరమపావన నీవు మేలుకో |