 |
    |
    |
 |
    |
    |
 |
| కీర్తనలు | తూము నరసింహదాసు | లేర నాపాలి శ్రీవీరరాఘవ లోకాధార మాధవ శౌరి లేరా |
| భూపాల - ఆట |
| పల్లవి: |
| లేర నాపాలి శ్రీవీరరాఘవ లోకాధార మాధవ శౌరి లేరా కారుణ్యసాగర కలుషవిదూర ననుఁ గరుణింతువు వేగ లేరా |
| చరణము(లు): |
| అత్రి వసిష్ఠాది మునులు మీకృపగోరి పాత్రులై యున్నారు లేరా పద్మమిత్ర వంశోద్భవ నీరదగాత్ర పవిత్ర చరిత్ర లేరా |
| వెల్ల టేనుగు వచ్చి వాకిట నున్నది నల్లని నాసామి లేరా కల్లగాదు జగమెల్ల నేలెడి రఘువల్లభ యిక నిద్ర లేరా |
| అభ్యంగనము నీకు నమరంగ జేసెడు ననువైన వేళాయె లేరా సభ్యులందరు గూడి సాక్షాత్కరించిరి సంశయములు మాన్ప లేరా |
| పరమభక్తులు నిన్నుఁ బ్రార్థింపుచున్నారు పన్నగాధిపతల్ప లేరా వరభద్రాచలమున శరణాగతత్రాణ బిరుదు బూనిన తండ్రి లేరా |
| నిరతము సంసారభరము బాపెడి భక్తవరద సీతారామ లేరా, తూము నరసింహదాసుని వెరవకుమని వెంట దిరుగువేళాయెను లేరా |