 |
    |
    |
 |
    |
    |
 |
| కీర్తనలు | తూము నరసింహదాసు | నిద్రాముద్రాంకింతమైన కన్నుల నీటుఁ జూడ గల్గెను |
| ఆనందభైరవి - చాపు |
| పల్లవి: |
| నిద్రాముద్రాంకింతమైన కన్నుల నీటుఁ జూడ గల్గెను |
| అనుపల్లవి: |
| భద్రాద్రి నిలయ నాపాలి దైవమ రామ భద్ర సీతామనఃపద్మభృంగ నీదు |
| చరణము(లు): |
| తళుకు ముంగురులచేఁ దిలకము మెఱయగ కలికిచూపులు గుల్కగా వలనొప్పుగా చంద్రవదనమందున నవ్వు మొలకలెత్తగ ముద్దు ముఱియుచుండెడు నీదు |
| మదనుని విల్లన మహిమ దీపించు నీ మంచి కన్బొమలతీరు సదమలమైన నీ చక్కని చెక్కిళ్ళు మొదలు మేఘముబోలు మృదుగాత్రమున నీదు |
| వరహేమ మకుట పావనకుండలంబులు వైజయంతికమాలలు కఱుకు బంగరుచేలకాంతులు దీపింప నరసింహదాసు డేమరక సేవించు నీ |