 |
    |
    |
 |
    |
    |
 |
| కీర్తనలు | తూము నరసింహదాసు | చూడగల్గెను రాముని సుందరరూపము |
| అఠాణ - ఆది |
| పల్లవి: |
| చూడగల్గెను రాముని సుందరరూపము వేడుకలర శ్రీభద్రాద్రి విభుని రాఘవప్రభుని నేడు |
| చరణము(లు): |
| కఱకు బంగారుమకుటము - మెఱయు కస్తూరితిలకము సరసమైన బొమలు కరుణ - గుఱియు కన్దోయి గలుగువానిని |
| ఇందువదనమందు సుందర మందహాసము మెఱయఁగ నందమైన వెడదయురమునందు ముత్యపు సరులు గలవాని |
| నీలనీరదదేహము మేలి పసిడిచేలము చాలభక్తజనులఁ బ్రోవజాలు పదములు గలుగు స్వామిని |
| రత్న మంటపమందు సీతారమణి వామాంకమందు నెంతో యత్నముగా మెఱయు మ మ్మేలు యినకులాంబుధిసోముని రాముని |
| ఇరుగడలఁ జామరము లిడఁగ వరుస ముత్యాల గొడుగు లడర నరసింహదాసు డెదుటఁ జేయు నాట్య మవధరించు స్వామిని |